କୋଇଲା ସଚିବଙ୍କ ଦ୍ୱାରା ଏମସିଏଲ୍ର କ୍ରମାଗତ ପ୍ରଦର୍ଶନ ଏବଂ କାର୍ଯ୍ୟକ୍ଷମ ପାରଦର୍ଶିତା ପ୍ରଶଂସିତ
କୋଇଲା ଉତ୍ପାଦନ ଓ ପରିବହନ ବୃଦ୍ଧି ଉପରେ ଗୁରୁତ୍ୱ
ଭୁବନେଶ୍ୱର, ୧୨/୧୧: ଭାରତ ସରକାରଙ୍କ କୋଇଲା ସଚିବ ଶ୍ରୀ ବିକ୍ରମ ଦେବ ଦତ୍ତ, ଆଇ.ଏ.ଏସ୍., ମହାନଦୀ କୋଲଫିଲ୍ଡ୍ସ ଲିମିଟେଡ୍ (ଏମସିଏଲ୍)ର କାର୍ଯ୍ୟକ୍ଷମ ପ୍ରଦର୍ଶନର ସମୀକ୍ଷା କରିବା ପାଇଁ ଆଜି ଏକ ବୈଠକର ଅଧ୍ୟକ୍ଷତା କରିଛନ୍ତି। ବିଭିନ୍ନ କାର୍ଯ୍ୟକ୍ଷମ ମାନଦଣ୍ଡରେ ଏମସିଏଲ୍ର କ୍ରମାଗତ ପ୍ରଦର୍ଶନକୁ ଶ୍ରୀ ଦତ୍ତ ପ୍ରଶଂସା କରିବା ସହ ପ୍ରଗତିଶୀଳ ଦୃଷ୍ଟିକୋଣ, ବୈଷୟିକ କ୍ଷମତା ଏବଂ ପ୍ରତିଶ୍ରୁତିବଦ୍ଧ ଅଭିବୃଦ୍ଧି ପଥ ସହିତ ଏମସିଏଲ୍କୁ ସବୁଠାରୁ କନିଷ୍ଠ ଏବଂ ପ୍ରଯୁକ୍ତିବିଦ୍ୟା-ଚାଳିତ ସହାୟକ କମ୍ପାନୀ ଭାବରେ ପ୍ରଶଂସିତ କରିଛନ୍ତି।
ଏମସିଏଲ୍ର ଅଧ୍ୟକ୍ଷ ତଥା ପରିଚାଳନା ନିର୍ଦ୍ଦେଶକ ଶ୍ରୀ ଉଦୟ ଅନନ୍ତ କାଓଲେ ଶ୍ରୀ ଦତ୍ତଙ୍କୁ କମ୍ପାନୀର ବର୍ତ୍ତମାନର କାର୍ଯ୍ୟକାରିତା, ଡିଜିଟାଲ୍ ପଦକ୍ଷେପ, ବିବିଧକରଣର ସମ୍ଭାବନା ଏବଂ ଆହ୍ୱାନଗୁଡ଼ିକ ବିଷୟରେ ଅବଗତ କରାଇଥିଲେ। ଏଥିସହିତ, ମୁଖ୍ୟ ସତର୍କତା ଅଧିକାରୀ ଶ୍ରୀ ସମ୍ବିତ ସୌରଭ ନାୟକ ଏମସିଏଲ୍ ଦ୍ୱାରା ଗ୍ରହଣ କରାଯାଉଥିବା ବିଭିନ୍ନ ସତର୍କତାମୂଳକ ପଦକ୍ଷେପ ସମ୍ପର୍କରେ ସୂଚନା ଦେଇଥିଲେ। ଏହି ବୈଠକରେ ବୈଷୟିକ ନିର୍ଦ୍ଦେଶକ ଶ୍ରୀ ସଞ୍ଜୟ କୁମାର ଝା, ଅର୍ଥ ନିର୍ଦ୍ଦେଶକ ଶ୍ରୀ ନିର୍ମଳ କୁମାର ସିଂହ, କ୍ଷେତ୍ର ମହାପ୍ରବନ୍ଧକଗଣ, ବିଭାଗୀୟ ମୁଖ୍ୟ ଏବଂ ବରିଷ୍ଠ ଅଧିକାରୀମାନେ ଯୋଗ ଦେଇଥିଲେ।
ବିଭିନ୍ନ କାର୍ଯ୍ୟକ୍ଷମ ଆହ୍ୱାନ ସତ୍ତ୍ୱେ ଦେଶକୁ ଅବ୍ୟାହତ ଶକ୍ତି ସୁନିଶ୍ଚିତ କରିବାରେ କୋଇଲା କ୍ଷେତ୍ରର ଗୁରୁତ୍ୱପୂର୍ଣ୍ଣ ଅବଦାନକୁ ସଚିବ ଗୁରୁତ୍ୱର ସହ ଆଲୋଚନା କରିଥିଲେ। ସେ ସର୍ବାଧିକ କୋଇଲା ଉତ୍ପାଦନ ଏବଂ ପ୍ରେରଣ ଦିଗରେ ସର୍ବୋଚ୍ଚ ପ୍ରୟାସ କରିବାକୁ ଆହ୍ୱାନ କରିଛନ୍ତି।
ଦକ୍ଷ କୋଇଲା ନିଷ୍କାସନର ଗୁରୁତ୍ୱ ଉପରେ ଗୁରୁତ୍ୱାରୋପ କରି ସଚିବ ବିଭିନ୍ନ ରେଳ କ୍ଷେତ୍ରରେ କୋଇଲା ପରିବହନ କ୍ଷମତା ବୃଦ୍ଧି ପାଇଁ ରେଳବାଇ ସହ ଚାଲିଥିବା ଆଲୋଚନାକୁ ବ୍ୟାଖ୍ୟା କରିଥିଲେ। ସେ କହିଥିଲେ ଯେ ଉତ୍ପାଦନ ଅଭିବୃଦ୍ଧିକୁ ପରିପୂର୍ଣ୍ଣ କରିବା ଏବଂ କୋଇଲା ଯୋଗାଣ କାର୍ଯ୍ୟର ସାମଗ୍ରିକ ଦକ୍ଷତାକୁ ବୃଦ୍ଧି କରିବା ପାଇଁ କୋଇଲା ନିଷ୍କାସନ ଭିତ୍ତିଭୂମିକୁ ମଜବୁତ କରିବାର ଆବଶ୍ୟକତା ରହିଛି ଏବଂ ପ୍ରଥମ ମାଇଲ୍ ସଂଯୋଗ (ଏଫ୍.ଏମ୍.ସି.) ପ୍ରକଳ୍ପଗୁଡ଼ିକ ଭାରତ ସରକାରଙ୍କ ଏକ ପ୍ରମୁଖ କ୍ଷେତ୍ର ହୋଇ ରହିଛି।
କମ୍ପାନୀ ପ୍ରତି ସମସ୍ତଙ୍କ ଉତ୍କୃଷ୍ଟ ପ୍ରଦର୍ଶନ ଏବଂ ମୂଲ୍ୟବାନ ଅବଦାନକୁ ସମ୍ମାନ ଜଣାଇ ସଚିବ (କୋଇଲା)ଙ୍କ ଦ୍ୱାରା ସର୍ବଶ୍ରେଷ୍ଠ ପ୍ରଦର୍ଶନକାରୀ କର୍ମଚାରୀମାନଙ୍କୁ ସମ୍ବର୍ଦ୍ଧିତ କରାଯିବା ସହ ବୈଠକଟି ଶେଷ ହୋଇଥିଲା।