ଆସନ୍ତାକାଲି ୪ ଘଣ୍ଟା ଶ୍ରୀକ୍ଷେତ୍ର ବନ୍ଦ

ପୁରୀ, ୦୨/୦୧/୨୪: ଆସନ୍ତାକାଲି (ବୁଧବାର) ପୁରୀ ଶ୍ରୀଜଗନ୍ନାଥ ମନ୍ଦିରରେ ମହାପ୍ରଭୁ ଜଗନ୍ନାଥ, ବଳଭଦ୍ର ଓ ଦେବୀ ସୁଭଦ୍ରାଙ୍କ ବନକଲାଗୀ ନୀତି ଅନୁଷ୍ଠିତ ହେବ।

ଦେବଦେବୀଙ୍କ ବନକଲାଗି ନୀତି ପାଇଁ ଦ୍ବିତୀୟ ଭୋଗ ମଣ୍ଡପ ଶେଷ ହେବା ପରେ ଆସନ୍ତାକାଲି ୪ ଘଣ୍ଟା ପାଇଁ ଅପରାହ୍ନ ୪ଟାରୁ ରାତି ୮ଟା ପର୍ଯ୍ୟନ୍ତ ଭକ୍ତଙ୍କ ପାଇଁ ମନ୍ଦିର ବନ୍ଦ ରହିବ।

ତିନି ଜଣ ଦତ୍ତମହାପାତ୍ର ସେବକ ‘ବନକ’କୁ ପିଷିବା ପରେ (ହିଙ୍ଗୁଳା, ହରିତାଳ, କସ୍ତୁରୀ, କେଶର ଭଳି ପ୍ରାକୃତିକ ରଙ୍ଗ ଏବଂ ବନକ ପ୍ରସ୍ତୁତ କରିବା ପାଇଁ କଇଁଥାର ଗୁଣ୍ଡ ବ୍ୟବହାର କରାଯାଏ) ଲେପକୁ ନେଇ ରତ୍ନ ସିଂହାସନ ଉପରେ ଭଗବାନଙ୍କୁ ଲଗାଇ ବନକଳାଗି ରୀତି ଅନୁଷ୍ଠିତ ହୁଏ।