ଓଡ଼ିଶାର ପୂର୍ବତନ ରାଜ୍ୟପାଳ ମୁରଲୀଧର ଚନ୍ଦ୍ରକାନ୍ତ ଭଣ୍ଡାରେଙ୍କ ବିୟୋଗରେ ନବୀନଙ୍କ ଶୋକ ପ୍ରକାଶ

ଭୁବନେଶ୍ବର,୧୬/୦୬: ଗତ କାଲି ଓଡ଼ିଶାର ପୂର୍ବତନ ରାଜ୍ୟପାଳ ମୁରଲୀଧର ଚନ୍ଦ୍ରକାନ୍ତ ଭଣ୍ଡାରେଙ୍କ ବିୟୋଗରେ ବିଜେଡି ସୁପ୍ରିମୋ ତଥା ପୂର୍ବତନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଗଭୀର ଶୋକ ପ୍ରକାଶ କରିଛନ୍ତି। ନବୀନ ପଟ୍ଟନାୟକ ତାଙ୍କ ଶୋକବାର୍ତ୍ତାରେ କହିଛନ୍ତି ଯେ, “ଓଡ଼ିଶାର ପୂର୍ବତନ ରାଜ୍ୟପାଳ (୨୦୦୭-୨୦୧୩) ମୁରଲୀଧର ଚନ୍ଦ୍ରକାନ୍ତ ଭଣ୍ଡାରେଙ୍କ ବିୟୋଗ ଖବର ଶୁଣି ମୁଁ ଗଭୀର ଦୁଃଖିତ। ଲୋକଙ୍କ ସ୍ୱାର୍ଥରେ ସେ ତାଙ୍କ ଜୀବନକୁ ସମର୍ପିତ କରିଥିଲେ। ଜଣେ ବିଦ୍ୱାନ, ଆଇନଜୀବୀ ଭାବରେ ଆଇନ ପ୍ରଣୟନ ଓ ଜନସେବା କ୍ଷେତ୍ରରେ ନିଜର ଛାପ ଛାଡିଥିଲେ। ମୁଁ ତାଙ୍କ ଶୋକସନ୍ତପ୍ତ ପରିବାରବର୍ଗଙ୍କୁ ଗଭୀର ସମବେଦନା ଜଣାଉଛି ଏବଂ ତାଙ୍କ ଆତ୍ମାର ଶାନ୍ତି କାମନା କରୁଛି।”