ଖଲିଦାଙ୍କ ଅନ୍ତିମ ସଂସ୍କାର କାର୍ଯ୍ୟକ୍ରମରେ ଯୋଗ ଦେବେ ବୈଦେଶିକ ମନ୍ତ୍ରୀ

ନୂଆଦିଲ୍ଲୀ, ୩୦/୧୨: ଭାରତ ଏବଂ ବାଂଲାଦେଶ ମଧ୍ୟରେ ତିକ୍ତ ସମ୍ପର୍କ ମଧ୍ୟରେ, ବୈଦେଶିକ ମନ୍ତ୍ରୀ ଡକ୍ଟର ଏସ ଜୟଶଙ୍କର ଡିସେମ୍ବର ୩୧ ତାରିଖରେ ବାଂଲାଦେଶର ପୂର୍ବତନ ପ୍ରଧାନମନ୍ତ୍ରୀ ଏବଂ ବାଂଲାଦେଶ ନ୍ୟାସନାଲିଷ୍ଟ ପାର୍ଟି (BNP) ର ଅଧ୍ୟକ୍ଷା ବେଗମ ଖାଲେଦା ଜିଆଙ୍କ ସରକାରୀ ଅନ୍ତିମ ସଂସ୍କାରରେ ଯୋଗଦେବେ।

ବାଂଲାଦେଶରେ ଭାରତ ବିରୋଧୀ ତତ୍ତ୍ଵ ସୃଷ୍ଟି ହେଉଥିବା ବେଳେ ବୈଦେଶିକ ମନ୍ତ୍ରୀ ଏହି ଗସ୍ତ କାର୍ଯ୍ୟକ୍ରମ ରଖିଛନ୍ତି।

ଦକ୍ଷିଣ ଏସୀୟ ସହଯୋଗୀ ରାଷ୍ଟ୍ର ସହିତ ଭାରତର ସମ୍ପର୍କ ନିମ୍ନଗାମୀ ହେଉଥିବା ବେଳେ ଏହି କାର୍ଯ୍ୟକୁ ନୂଆଦିଲ୍ଲୀର ଢାକା ପ୍ରତି ଯୋଗାଯୋଗ ଭାବରେ ଦେଖାଯାଉଛି।

ଜିଆଙ୍କ ନେତୃତ୍ୱରେ ୧୯୯୧ ରୁ ୧୯୯୬ ଏବଂ ୨୦୦୧ ରୁ ୨୦୦୬ ମଧ୍ୟରେ – ପ୍ରାୟତଃ ଦିଲ୍ଲୀ ସହିତ ସମ୍ପର୍କ ଭଲ ନଥିଲା। ତାଙ୍କ ନେତୃତ୍ବ ସମୟରେ ପାକିସ୍ତାନ ପ୍ରତି ବାଂଲାଦେଶର ଘନିଷ୍ଠତା ଥିଲା। ତାଙ୍କ ଉଭୟ କାର୍ଯ୍ୟକାଳ ମଧ୍ୟରେ, ଜିଆ ବେଜିଂ ସହିତ ଢାକାର ସମ୍ପର୍କକୁ ସୁଦୃଢ଼ କରିଥିଲେ।

ଗତ ବର୍ଷ ଛାତ୍ର ବିଦ୍ରୋହରେ ଶେଖ୍ ହାସିନାଙ୍କୁ ଗାଦିଚ୍ୟୁତ କରାଯିବା ପରଠାରୁ ବାଂଲାଦେଶରେ ରାଜନୈତିକ ଓ ଆର୍ଥିକ ସଙ୍କଟ ଦେଖାଦେଇଛି। ଜିଆଙ୍କ ପୁଅ ଏବଂ ବିଏନପିର କାମଚଳା ଅଧ୍ୟକ୍ଷ ତାରିକ ରହମାନ ୧୭ ବର୍ଷ ନିର୍ବାସନ ପରେ ବାଂଲାଦେଶକୁ ଫେରିଛନ୍ତି। ଫେବୃୟାରୀରେ ହେବାକୁ ଥିବା ନିର୍ବାଚନରେ ସେ ଲଢ଼ିବେ।