ବାଲେଶ୍ବର: ଠକ୍ ସଂସ୍ଥା ଶସ୍ତ୍ର ଏଣ୍ଟରପ୍ରାଇଜେସ୍ ପ୍ରାଇଭେଟ୍ ଲିମିଟେଡ୍ ବିରୋଧରେ ଚାଲିଥିବା ମାମଲାରେ ଆଜି ସଂସ୍ଥାର ମୁଖ୍ୟ ପରିଚାଳନା ନିର୍ଦ୍ଦେଶକ ବି ମଲ୍ଲିକାର୍ଜ୍ଜୁନ ରାଜୁ ଓ ପରିଚାଳନା ନିର୍ଦ୍ଦେଶକ ଭି ସମ୍ପଥ୍ଙ୍କୁ ବାଲେଶ୍ବର ଓପିଆଇଡି କୋର୍ଟ ଦଣ୍ଡଶୁଣାଣି କରିଛନ୍ତି। ଉଭୟ ଅଭିଯୁକ୍ତଙ୍କୁ ୭ ବର୍ଷ ଜେଲ୍ ଦଣ୍ଡ ସହ ୪ ଲକ୍ଷ ୨୧ ହଜାର ଟଙ୍କା ଲେଖାଏଁ ଜରିମାନା ଦେବାକୁ ପଡ଼ିବ। ସେହିପରି ଏହି ମାମଲାରେ ସମ୍ପୃକ୍ତ ଥିବା ମୟୂରଭଞ୍ଜ ଜିଲ୍ଲା ବୈଶିଙ୍ଗା ଥାନା କୁଶୁଡ଼ା ଗ୍ରାମର ସଦାଶିବ ନାୟକ ଓ ତକତପୁର ଅଞ୍ଚଳର ତପନ କୁମାର ବାରିକଙ୍କୁ ୩ ବର୍ଷ ଜେଲ ଏବଂ ୬୦ ହଜାର ଟଙ୍କା ଲେଖାଏଁ ଜରିମାନା ପ୍ରଦାନ କରିବାକୁ ଆଦେଶ ଦେଇଛନ୍ତି ଓପିଆଇଡି କୋର୍ଟର ବିଚାରପତି ବିଶ୍ବଜିତ ଦାସ।
