ଭିଜିଲାନ୍ସ ଜାଲରେ ଇଡକୋ ଜୁନିଅର ମ୍ୟାନେଜର

ଭୁବନେଶ୍ବର, ୦୬/୧୧:ଭିଜିଲାନ୍ସ ଜାଲରେ ଇଡକୋ ଜୁନିଅର ମ୍ୟାନେଜର। ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଇଡକୋ ଜୁନିଅର ମ୍ୟାନେଜର ବିଜୟ କୁମାର ଉଦୟସିଂହଙ୍କ ବାସଭବନ ଉପରେ ସମେତ ଖୋର୍ଦ୍ଧା ଓ ପୁରୀର ୬ଟି ସ୍ଥାନରେ ଏକକାଳୀନ ଚଢ଼ାଉ କରିଛି ଭିଜିଲାନ୍ସ। ଭୁବନେଶ୍ବର ସ୍ଥିତ ଇଡକୋ ଅଫିସରେ ମଧ୍ୟ ଚଢାଉ ଚାଲିଛି। ଭୁବନେଶ୍ବର ରାଜରାଣୀ ମଉଜାରେ ଥିବା ଆବାସିକ ଘର, ପୁରୀ ବାଲୁଖଣ୍ଡା ମଉଜାରେ ଥିବା ଫ୍ଲାଟ, ଖୋର୍ଦ୍ଧା ଜଙ୍କିଆରେ ଥିବା ପୈତୃକ ଘର ଓ କ୍ରସର ୟୁନିଟ୍ ଏବଂ ଭୁବନେଶ୍ବରର ସାମନ୍ତରାପୁର ସ୍ଥିତ ସମ୍ପର୍କୀୟଙ୍କ ଘରେ ଚଢ଼ାଉ ଚାଲିଛି। ଏଯାଏଁ ଅଧିକାରୀଙ୍କ ଘରୁ ପୁଳା ପୁଳା ସୁନା ଓ ଟଙ୍କା ମିଳିଲାଣି।

ଆଜି ଭୋର ୪ଟାରୁ ଏହି ଚଢାଉ ପ୍ରକ୍ରିୟା ଆରମ୍ଭ ହୋଇଥିଲା। ଏହି ଚଢାଉରେ ୮ ଜଣ ଡ଼ିଏସପି, ୮ ଜଣ ପୋଲିସ ସହ ଅନ୍ୟ କର୍ମଚାରୀମାନେ ସାମିଲ ଅଛନ୍ତି। ଭୁବନେଶ୍ବର ସ୍ୱତନ୍ତ୍ର ଭିଜିଲାନ୍ସ ଜଜଙ୍କ ଅନୁମତିକ୍ରମେ ଏହି ଚଢ଼ାଉ କରାଯାଉଛି।