ଆରମ୍ଭ ହେଲା ଯାଜପୁର ଯଯାତି ମହୋତ୍ସବ ୨୦୨୫

ମୁଖ୍ୟ ଅତିଥି ଭାବେ ଯୋଗ ଦେଲେ ମୁଖ୍ୟମନ୍ତ୍ରୀ ମୋହନ ମାଝୀ।

ଜୁବିନଙ୍କ ଗୀତର ତାଳେତାଳେ ଝୁମିଲେ ଦର୍ଶକ

ଯାଜପୁର, ୦୯/୦୨: ଗତ କାଲିଠାରୁ କୁସୁମା ଠାରେ ଆରମ୍ଭ ହୋଇଛି ଯାଜପୁର ଯଜାତି ମହୋତ୍ସବ ୨୦୨୫। ଏହି ଅବସରରେ ମୁଖ୍ୟ ଅତିଥି ଭାବରେ ଓଡ଼ିଶାର ମୁଖ୍ୟମନ୍ତ୍ରୀ ଶ୍ରୀ ମୋହନ ଚରଣ ମାଝୀ ଆସି ଏହି ମହୋତ୍ସବର ଶୁଭ ଉଦ୍ଘାଟନ କରିଥିଲେ। ଏବଂ ଯାଜପୁର ମେଡିକାଲ କଲେଜ୍ ର ମଧ୍ୟ ଉଦ୍ଘାଟନ କରିଥିଲେ। ସର୍ବ ପ୍ରଥମେ ମୁଖ୍ୟମନ୍ତ୍ରୀ ଯାଜପୁରର ଅଧିଷ୍ଠାତ୍ରୀ ମା ବିରଜାଙ୍କୁ ଦର୍ଶନ କରିଥିଲେ ଏବଂ ମହାଉତ୍ସବରେ ଯୋଗ ଦେଇଥିଲେ। ତତ୍ ସହିତ ଯାଜପୁର ପଲ୍ଲିଶ୍ରୀ ମେଳା ମଧ୍ୟ ଆରମ୍ଭ ହୋଇଯାଇଛି ଓ ଯଯାତି ମହୋତ୍ସବର ପ୍ରଥମ ସନ୍ଧ୍ୟା ରେ ବଲିଉଡ୍ କଣ୍ଠଶିଳ୍ପୀ ଜୁବିନ ନୌଟିଆଲଙ୍କ ସୁମଧୁର ସଙ୍ଗୀତରେ ଦର୍ଶକ ଝୁମିଥିଲେ ଏବଂ ବିଶାଳ ଜନସମାବେଶ ଦେଖିବାକୁ ମିଳିଥିଲା। ଏହି ମହୋତ୍ସବ ଜିଲ୍ଲା ପ୍ରଶାସନ ଏବଂ ଯାଜପୁର ଜିଲ୍ଲାପାଳ ପି ଅନ୍ୱେଷା ରେଡ୍ଡୀଙ୍କ ତତ୍ତ୍ୱାବଧାନରେ ବହୁତ ସୁରଖୁରୁରେ ପରିଚାଳନା କରାଯାଇଛି। ଏହି ଯଯାତି ମହୋତ୍ସବ ଓ ପଲ୍ଲିଶ୍ରୀ ମେଳା ଆସନ୍ତା ୧୩ ତାରିଖ ପର୍ଯ୍ୟନ୍ତ ଚାଲୁ ରହିବ।