ବଦଳିଲେ ଓଡ଼ିଶା କଂଗ୍ରେସ ପ୍ରଭାରୀ

ଭୁବନେଶ୍ୱର, ୧୪/୦୨: କଂଗ୍ରେସରେ ବଡ଼ ଧରଣର ପ୍ରଭାରୀ ନିଯୁକ୍ତ ଦେଖିବାକୁ ମିଳିଛି। ଓଡ଼ିଶାର ସପ୍ତଗିରି ଉଲାକାଙ୍କୁ ୪ ରାଜ୍ୟର ପ୍ରଭାରୀ ଦାୟିତ୍ୱ ଦେଇଛି ଏଆଇସିସି। ମଣିପୁର, ତ୍ରିପୁରା, ସିକ୍କିମ ଓ ନାଗାଲାଣ୍ଡ ରାଜ୍ୟର ପ୍ରଭାରୀ ଦାୟିତ୍ୱ ମିଳିଛି। ସେହିପରି ଓଡ଼ିଶାର ନୂଆ କଂଗ୍ରେସ ପ୍ରଭାରୀ ନିଯୁକ୍ତ କରିଛି ଏଆଇସିସି। ଅଜୟ କୁମାରଙ୍କ ସ୍ଥାନରେ ଅଜୟ ଲାଲୁ ହୋଇଛନ୍ତି ଓଡ଼ିଶାର ନୂଆ କଂଗ୍ରେସ ପ୍ରଭାରୀ। ଉତ୍ତରପ୍ରଦେଶ ବିଧାନସଭାର କଂଗ୍ରେସ ଦଳରେ ନେତା ତଥା ଉତ୍ତରପ୍ରଦେଶ କଂଗ୍ରେସର ସଭାପତି ଦାୟିତ୍ୱରେ ଥିଲେ ଅଜୟ ଲାଲୁ। ଏ ନେଇ ଏଆଇସିସି ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି।