ଭୁବନେଶ୍ୱର, ୧୫/୦୨: ଥମୁନି ପାଣ୍ଡିଆନଙ୍କୁ ନେଇ ବୟାନବାଜି। ବିଧାନସଭାରେ ପାଣ୍ଡିଆନଙ୍କୁ ନେଇ ପୁଣି ଝଡ ଦେଖାଦେଇଛି। ପାଣ୍ଡିଆନଙ୍କ ଇଙ୍ଗିତରେ ଗୃହ ଅଚଳ କରୁଛନ୍ତି ବିରୋଧୀ ବୋଲି ବିଜେପି ବିଧାୟକ ଜୟନାରାୟଣ ମିଶ୍ର କହିଛନ୍ତି।
ଆଜି ବିଧାନସଭାର ବଜେଟ୍ ଅଧିବେଶନର ତୃତୀୟ ଦିନରେ ମଧ୍ୟ ସୁରୁଖୁରୁରେ ଚାଲି ପାରିନି ଗୃହ। ଚାଷୀ ପ୍ରସଙ୍ଗରେ ବିଜେଡ଼ି ହୋହଲ୍ଲା କରୁଥିବାରୁ ଗୃହ ବାରମ୍ବାର ମୁଲତବୀ ହେଉଛି। ଆଜି ଦିନ ୧୨ଟା ପର୍ଯ୍ୟନ୍ତ ଗୃହ ମୁଲତବୀ ହୋଇଥିଲା। ଏହା ପରେ ପୁଣି ଗୃହକାର୍ଯ୍ୟ ଆରମ୍ଭ ହେବା ପରେ ବିଜେପିର ବରିଷ୍ଠ ନେତା ଜୟ ନାରାୟଣ ମିଶ୍ର ପଏଣ୍ଟ ଅଫ ଅର୍ଡର ନେଇ ଗୃହରେ ବିସ୍ଫୋରକ ବୟାନ ଦେଇଛନ୍ତି ଜୟ ନାରାୟଣ ମିଶ୍ର। ବିରୋଧୀ ଚାଷୀ ପ୍ରସଙ୍ଗରେ ମୁଲତବୀ ଆଣିଥିଲେ। କିନ୍ତୁ ସରକାର ଆଲୋଚନା ପାଇଁ ମଧ୍ୟ ରାଜି ଥିଲେ। ଗୃହ ମୁଲତବୀ ସମୟରେ ଲବିରେ କିଛି ବିଜେଡ଼ି ବିଧାୟକଙ୍କ ସହ ଆଲୋଚନା ବେଳେ ପାଣ୍ଡିଆନ କହିବାରୁ ଆମେ ଏମିତି କଲୁ ବୋଲି ସେମାନେ କହିଲେ। କେହି ଜଣେ ବାହାର ଲୋକ ଆସି କହିଲେ ଗୃହ କାର୍ଯ୍ୟ ବନ୍ଦ କରି ଦିଆଯିବା ଅସହନୀୟ। ଏଥିପାଇଁ ବିଜେଡ଼ି ସଦସ୍ୟ କ୍ଷମା ମାଗିବା ଦରକାର। ପାଣ୍ଡିଆନଙ୍କ ନମ୍ବର ୱାନ ଚାମଚା ହେବା ପାଇଁ ପ୍ରତିଯୋଗିତା ଚାଲିଛି ବୋଲି କହିଛନ୍ତି ଜୟ ନାରାୟଣ ମିଶ୍ର।
ଅନ୍ୟପଟେ ବିରୋଧୀ ଦଳ ମୁଖ୍ୟ ସଚେତକ ପ୍ରମିଳା ମଲ୍ଲିକ କହିଛନ୍ତି, ବିଧାନସଭାର ବରିଷ୍ଠ ସଦସ୍ୟ ଗୃହରେ ମନଗଢା କାହାଣୀ କହୁଛନ୍ତି। ଗୃହରେ ସଦସ୍ୟ ନଥିବା ଲୋକଙ୍କ ନାମରୁ ଗୃହ ବିବରଣୀରୁ ବାଦ ଦିଆଯାଉ ବୋଲି କହିଛନ୍ତି।