ପ୍ରସନ୍ନଙ୍କ ମୁହଁରେ ମୁଖ୍ୟମନ୍ତ୍ରୀଙ୍କ ପ୍ରଶଂସା

ଭୁବନେଶ୍ୱର, ୧୫/୦୨: ମୁଖ୍ୟମନ୍ତ୍ରୀଙ୍କ ପ୍ରଶଂସାରେ କହିଛନ୍ତି ବିରୋଧୀ ଦଳ ଉପନେତା ପ୍ରସନ୍ନ ଆଚାର୍ଯ୍ୟ। ରାଜ୍ୟପାଳଙ୍କ ଅଭିଭାଷଣର ଧନ୍ୟବାଦ ପ୍ରସ୍ତାବ ଆଲୋଚନା ବେଳେ ମୁଖ୍ୟମନ୍ତ୍ରୀଙ୍କ ପାଇଁ ବାହାରିଥିଲେ ପ୍ରସନ୍ନ ଆଚାର୍ଯ୍ୟ। ମୁଖ୍ୟମନ୍ତ୍ରୀ ଆଦିବାସୀ ସମ୍ପ୍ରଦାୟର ଜଣେ ସରଳ ଓ ନିରୀହ ଲୋକ। ସେ ତାଙ୍କ ମନର କଥା ସ୍ପଷ୍ଟ ଭାବେ ପ୍ରକାଶ କରନ୍ତି। ଯେତେବେଳେ ଯାହା ଚାହାନ୍ତି କହି ଦିଅନ୍ତି। ତେଣୁ ତାଙ୍କୁ କେହି ଭୁଲ ବୁଝନ୍ତୁ ନାହିଁ। ଏବଂ ତାଙ୍କୁ ଟ୍ରୋଲ ନ କରିବା ପାଇଁ ମଧ୍ୟ ନିବେଦନ କରିଛନ୍ତି।

ସୂଚନାଯୋଗ୍ୟ, ବିଧାନସଭାର ବଜେଟ୍ ଅଧିବେଶନ ଚାଲୁଥିବା ବେଳେ ପ୍ରଶ୍ନୋତ୍ତର କାର୍ଯ୍ୟକ୍ରମରେ ଗୃହର ମାହୋଲ ବର୍ତ୍ତମାନ ଗରମାଗରମ ରହିଛି। ବିଭିନ୍ନ ପ୍ରସଙ୍ଗକୁ ନେଇ ବିରୋଧୀ-ଶାସକ ମୁହାଁମୁହିଁ ହେଉଛନ୍ତି। ଏହାରି ମଧ୍ୟରେ ବିଜେପି ମୁଖ୍ୟମନ୍ତ୍ରୀଙ୍କୁ ପ୍ରସନ୍ନଙ୍କ ପ୍ରଶଂସା ବେଶ ଚର୍ଚ୍ଚାର ପରିସରକୁ ଆସିଛି।

ତେବେ କାହିଁକି ପ୍ରସନ୍ନ ଏପରି କହିଲେ, ସେ ନେଇ ଜଣା ପଡିନଥିବା ବେଳେ ଅନେକ ସମୟରେ ବିଜେଡ଼ିର କିଛି ନେତା ଗଣମାଧ୍ୟମରେ ହେଉ କିମ୍ବା ସୋସିଆଲ ମିଡିଆରେ କୌଣସି ବି ପ୍ରସଙ୍ଗ କିମ୍ବା ବୟାନକୁ ନେଇ ସମାଲୋଚନା କରିଥାନ୍ତି। ସେପଟେ ପ୍ରସନ୍ନଙ୍କ ଏହି ବୟାନ ପରେ ରାଜ୍ୟ ରାଜନୀତିରେ ଚର୍ଚ୍ଚା ଜୋରସୋର ହେଉଛି।