ଭାରତର ପ୍ରଥମ ମହିଳା ଡ଼ାକ୍ତର
ବିଦେଶ ଯାତ୍ରା କରି ଅନ୍ୟମାନଙ୍କ ପାଇଁ ସାଜିଥିଲେ ପ୍ରେରଣା
ଅଧିକ ପଢନ୍ତୁ ‘ଦର୍ଶନ ଆଇନାରେ ଇତିହାସର ପୃଷ୍ଠା’ରେ
ଆଜିର ତାରିଖ ୩୧ ମାର୍ଚ୍ଚ ୨୦୨୫
ବିଶିଷ୍ଟ ବ୍ୟକ୍ତିଙ୍କ ଜନ୍ମ ଦିବସ:-
୧.ଗୁରୁ ଅଙ୍ଗଦ ଦେବ (୩୧ ମାର୍ଚ୍ଚ ୧୫୦୪ – ୨୮ ମାର୍ଚ୍ଚ ୧୫୫୨)। ଗୁରୁ ନାନକଙ୍କ ପରେ ସେ ଶିଖମାନଙ୍କର ଦ୍ୱିତୀୟ ଗୁରୁ ଥିଲେ। ସେ ୭ ସେପ୍ଟେମ୍ବର ୧୫୩୯ରୁ ୨୮ ମାର୍ଚ୍ଚ ୧୫୫୨ ପର୍ଯ୍ୟନ୍ତ ଏହି ପଦରେ ରହିଥିଲେ। ଗୁରୁ ଅଙ୍ଗଦ ଦେବଙ୍କୁ ‘ଲହିନା ଜୀ’ ମଧ୍ୟ କୁହାଯାଏ।
୨. ରମା ଶଙ୍କର ବ୍ୟାସ (୩୧ ମାର୍ଚ୍ଚ ୧୮୬୦ – ୧୯୧୬) ହିନ୍ଦୀର ଉତ୍କୃଷ୍ଟ ଲେଖକମାନଙ୍କ ମଧ୍ୟରେ ଗଣାଯାଇଥିଲେ । ସେ ପଣ୍ଡିତ ଗୌରୀ ପ୍ରସାଦଙ୍କ ପୁତ୍ର ଥିଲେ । ଶଙ୍କର ବ୍ୟାସ ୧୮୬୦ ମସିହା ମାର୍ଚ୍ଚ ୩୧ ତାରିଖରେ କାଶୀରେ ଜନ୍ମଗ୍ରହଣ କରିଥିଲେ ।
୩. ଆନନ୍ଦୀ ଗୋପାଳ ଯୋଶୀ (୩୧ ମାର୍ଚ୍ଚ ୧୮୬୫ – ୨୬ ଫେବୃଆରୀ ୧୮୮୭) ପ୍ରଥମ ଭାରତୀୟ ମହିଳା ଯିଏ ଡକ୍ଟରେଟ୍ ଡିଗ୍ରୀ ହାସଲ କରିଥିଲେ। ଯେଉଁ ସମୟରେ ମହିଳାଙ୍କ ପାଠପଢ଼ା ସହ ଘରୁ ବାହାରିବା କଷ୍ଟକର ଥିଲା, ସେହି ସମୟରେ ସେ ବିଦେଶ ଯାତ୍ରା କରି ଭାରତଠୁ ସୁଦୂର ପେନ୍ସିଲଭାନିଆ ଯାଇ ଡକ୍ଟରେଟ୍ ଡିଗ୍ରୀ ହାସଲ କରିବା ସହ ପାଶ୍ଚାତ୍ୟ ମେଡ଼ିସିନରେ ପ୍ରଥମ ମହିଳା ଡ଼ାକ୍ତର ହୋଇ ଅନ୍ୟ ମହିଳାଙ୍କ ପାଇଁ ଉଦାହରଣ ପାଲଟିଥିଲେ। ୧୮୮୬ ମସିହାରେ ସେ ଏହି ଗୌରବ ହାସଲ କରିଥିଲେ।
୪. କମଳା ଦାସ ଇଂରାଜୀ ଓ ମାଲାୟାଲମ ଭାଷାର ଜଣେ ପ୍ରସିଦ୍ଧ ଲେଖିକା। ସେ କେରଳର ତ୍ରିଶୂର ଜିଲ୍ଲାର ଏକ ବ୍ରାହ୍ମଣ ନାୟର ପରିବାରରେ ଜନ୍ମଗ୍ରହଣ କରିଥିଲେ। ପିଲାଟି ଦିନରୁ ସେ କବିତା ଲେଖୁଥିଲେ।
୫. ଶୀଲା ଦୀକ୍ଷିତ (୩୧ ମାର୍ଚ୍ଚ ୧୯୩୮ – ୨୦ ଜୁଲାଇ ୨୦୧୯), କେରଳର ଜଣେ ପୂର୍ବତନ ରାଜ୍ୟପାଳ ଏବଂ ଦିଲ୍ଲୀର ପୂର୍ବତନ ମୁଖ୍ୟମନ୍ତ୍ରୀ। ୧୭ ଡିସେମ୍ବର ୨୦୦୮ରେ ସେ କ୍ରମାଗତ ତୃତୀୟ ଥର ପାଇଁ ଦିଲ୍ଲୀ ବିଧାନସଭାକୁ ନିର୍ବାଚିତ ହୋଇଥିଲେ। ଶୀଲା ଦୀକ୍ଷିତଙ୍କ କାର୍ଯ୍ୟକାଳ ୪ ଡିସେମ୍ବର ୧୯୯୮ରୁ ୨୭ ଡିସେମ୍ବର ୨୦୧୩ ପର୍ଯ୍ୟନ୍ତ କ୍ରମାଗତ ୧୫ ବର୍ଷ ଥିଲା, ଯାହା ଏକ ରେକର୍ଡ। ସେ ଦିଲ୍ଲୀର ଦ୍ବିତୀୟ ମହିଳା ମୁଖ୍ୟମନ୍ତ୍ରୀ ଥିଲେ।
ବିଶିଷ୍ଟ ବ୍ୟକ୍ତିଙ୍କ ତିରୋଧାନ ଦିବସ:-
୧. ଶ୍ୟାମଜୀ କୃଷ୍ଣ ବର୍ମା (୪ ଅକ୍ଟୋବର ୧୮୫୭ – ୩୧ ମାର୍ଚ୍ଚ ୧୯୩୦) ସ୍ୱାଧୀନତା ସଂଗ୍ରାମୀ ଥିଲେ। ସେ ସଂସ୍କୃତ ଓ ବେଦର ବହୁ ଜ୍ଞାନୀ ଥିଲେ। ସେ ୧୮୮୫ରୁ ୧୮୮୯ ପର୍ଯ୍ୟନ୍ତ ତତ୍କାଳୀନ ରତଲାମ ରାଜ୍ୟର ଦିୱାନ ପଦବୀରେ ରହିଥିଲେ।
୨. ସର୍ଦ୍ଦାର ପୁରଣ ସିଂହ (୧୭ ଫେବୃଆରୀ ୧୮୮୧ – ୩୧ ମାର୍ଚ୍ଚ ୧୯୩୧) ଭାରତର ଜଣେ ବିଶିଷ୍ଟ ପ୍ରବନ୍ଧକାର ଥିଲେ। ସେ ଜଣେ ଦେଶପ୍ରେମୀ, ଶିକ୍ଷାବିତ୍, ଶିକ୍ଷକ, ବୈଜ୍ଞାନିକ ଓ ଲେଖକ ଥିଲେ। ଏହା ସହିତ ସେ ପଞ୍ଜାବୀର ଜଣେ ଜଣାଶୁଣା କବି ମଧ୍ୟ ଥିଲେ।
ନଜର ପକାନ୍ତୁ ଆଜିର ଦିନରେ ଘଟିଥିବା ଗୁରୁତ୍ୱପୂର୍ଣ୍ଣ ଘଟଣାକ୍ରମ ଉପରେ:-
୧୭୭୪ – ଭାରତରେ ଡାକ ସେବାର ପ୍ରଥମ କାର୍ଯ୍ୟାଳୟ ଖୋଲାଯାଇଥିଲା। ୧୭୭୪ ମସିହା ମାର୍ଚ୍ଚ ୩୧ ତାରିଖରେ କଲିକତାଠାରେ ଇଷ୍ଟ ଇଣ୍ଡିଆ କମ୍ପାନୀର ଡାକଘର ବିଭାଗ ପ୍ରଥମେ ସ୍ଥାପିତ ହୋଇଥିଲା।
୧୮୬୭ – ମୁମ୍ବାଇରେ ପ୍ରାର୍ଥନା ସମାଜ ପ୍ରତିଷ୍ଠା ହୋଇଥିଲା ।
୧୮୭୦ – ଆମେରିକାରେ ପ୍ରଥମ ଥର ପାଇଁ ଜଣେ କୃଷ୍ଣକାୟ ନାଗରିକ ଭୋଟ୍ ଦେଇଥିଲେ। ଥୋମାସ ମୁଣ୍ଡି ପିଟରସନ୍ ପ୍ରଥମ ଆଫ୍ରିକୀୟ-ଆମେରିକୀୟ ଭୋଟର ଭାବେ ମତଦାନ କରିଥିଲେ। ଆଫ୍ରିକୀୟ-ଆମେରିକୀୟମାନଙ୍କୁ ସମାନ ଅଧିକାର ଦେବା ଦିଗରେ ଏହା ଏକ ବଡ଼ ସଫଳତା ଥିଲା।
୧୮୮୯ – ଫ୍ରାନ୍ସର ଆଇଫାଲ ଟାୱାରକୁ ଆନୁଷ୍ଠାନିକ ଭାବେ ଉଦଘାଟନ କରାଯାଇଥିଲା।
୧୯୨୧ – ରୟାଲ ଅଷ୍ଟ୍ରେଲୀୟ ବାୟୁସେନା ପ୍ରତିଷ୍ଠା ହୋଇଥିଲା।
୧୯୫୯ – ବୌଦ୍ଧ ଧାର୍ମିକ ନେତା ଦଲାଇ ଲାମାଙ୍କୁ ତିବ୍ଦତରୁ ନିର୍ବାସିତ ହେବା ପରେ ଭାରତରେ ଆଶ୍ରୟ ମିଳିଥିଲା। ଦଲାଇ ଲାମା ତାଙ୍କ ୨୦ ଜଣ ଶିଷ୍ୟଙ୍କ ସହ ମାର୍ଚ୍ଚ ୧୭ ତାରିଖରେ ତିବ୍ଦତର ରାଜଧାନୀ ଲାସାରୁ ଚାଲି ଚାଲି ତିବ୍ଦତ ଛାଡ଼ି ଖେଞ୍ଜିମାନ ପାସ୍ ଦେଇ ସୁରକ୍ଷିତ ଭାବେ ଭାରତରେ ପହଞ୍ଚିଥିଲେ।
୧୯୬୬ – ସୋଭିଏତ ରୁଷିଆ ପ୍ରଥମ ଚନ୍ଦ୍ରଯାନ ଲୁନା ୧୦ ଉତକ୍ଷେପଣ କରିଥିଲା।
୧୯୭୯ – ମାଲ୍ଟା ବ୍ରିଟେନଠାରୁ ସ୍ୱାଧୀନତା ଘୋଷଣା କରିଥିଲା।
୧୯୮୩ – କଲମ୍ବିଆର ପୋପୟାନ ସହରରେ ପ୍ରଳୟଙ୍କରୀ ଭୂମିକମ୍ପରେ ୫୦୦ ଲୋକ ପ୍ରାଣ ହରାଇଥିଲେ।
୧୯୯୦ – ଡ. ଭୀମରାଓ ଆମ୍ବେଦକରଙ୍କୁ ମରଣୋତ୍ତର ଭାବେ ସର୍ବୋଚ୍ଚ ବେସାମରିକ ସମ୍ମାନ ଭାରତ ରତ୍ନ ପ୍ରଦାନ କରାଯାଇଥିଲା।
୧୯୯୭ – ଭାସ୍ଲାଭ କ୍ଲାର୍କଙ୍କୁ ନାଟୋର ନୂତନ ସାମରିକ କମାଣ୍ଡର ଭାବେ ନିଯୁକ୍ତ କରାଯାଇଥିଲା।
୨୦୦୫ – ଜାତିସଂଘ ଉତ୍ତର କୋରିଆକୁ ଶସ୍ୟ ଯୋଗାଣ ବନ୍ଦ କରିଦେଇଥିଲା।
୨୦୦୭ – ମାଇକେଲ ଫେଲପ୍ସ ବିଶ୍ୱ ସନ୍ତରଣ ଚାମ୍ପିୟନଶିପରେ ୬ଟି ସ୍ୱର୍ଣ୍ଣ ପଦକ ଜିତିଥିଲେ।