ବ୍ରହ୍ମପୁର, ୩୦/୧୦: ବ୍ରହ୍ମପୁର ଜେଲ୍ରୁ ବାହାରିଲେ ୧୧୪ SI ଆଶାୟୀ। କୋର୍ଟରୁ ଜାମିନ ମଞ୍ଜୁର ପରେ ଜେଲ୍ରୁ ବାହାରିଲେ। ପ୍ରାୟ ମାସେ ଧରି ଜେଲ୍ରେ ରହିଲା ପରେ ମୁକୁଳିଲେ। ଅକ୍ଟୋବର ୧ରେ ସେମାନେ ଗିରଫ ହୋଇଥିଲେ।
ଗତ କାଲି ସବ-ଇନ୍ସପେକ୍ଟର (SI) ନିଯୁକ୍ତି ପରୀକ୍ଷା କେଳେଙ୍କାରୀ ଘଟଣାରେ ବ୍ରହ୍ମପୁର ଭିଜିଲାନ୍ସ କୋର୍ଟ ଗିରଫ ହୋଇଥିବା ୧୧୪ ଜଣ ପରୀକ୍ଷାର୍ଥୀଙ୍କୁ ଜାମିନ ପ୍ରଦାନ କରିଥିଲେ।
ଆହୁରି ପଢ଼ନ୍ତୁ...
ଗିରଫ ହୋଇଥିବା ୧୨୩ ଜଣଙ୍କ ମଧ୍ୟରୁ ୧୧୪ ଜଣ ପରୀକ୍ଷାର୍ଥୀଙ୍କୁ ଜାମିନ୍ ମିଳିଥିବା ବେଳେ ବାକି ୯ ଜଣଙ୍କୁ ଜାମିନ ମିଳିନଥିଲା। କୋର୍ଟ ପ୍ରତ୍ୟେକଙ୍କୁ ୫୦,୦୦୦ ଟଙ୍କାର ଜେଲ୍ ବଣ୍ଡ ଏବଂ ଦୁଇଜଣ ଜାମିନଦାରଙ୍କ ମୁଚାଲିକାରେ ଜାମିନ ପ୍ରଦାନ କରିଥିଲେ।
ଉଲ୍ଲେଖଯୋଗ୍ୟ ଯେ, SI ପରୀକ୍ଷା ଦୁର୍ନୀତିର CBI ତଦନ୍ତ ପାଇଁ ସୁପାରିସ କରିଛନ୍ତି ମୁଖ୍ୟମନ୍ତ୍ରୀ। ଓଡ଼ିଶା କ୍ରାଇମବ୍ରାଞ୍ଚ ଏହାର ତଦନ୍ତ କରୁଥିଲା।