ପଥରରେ ଛେଚି ହତ୍ୟା ଘଟଣା,୨ ଅଭିଯୁକ୍ତ ଙ୍କୁ କୋର୍ଟ ଚାଲାଣ କଲା ସଇଁନ୍ତଲା ପୁଲିସ

ସଇଁନ୍ତଲା : ମଦ ନିଶା ହେଲା କାଳ ଶେଷରେ ଦୁଇ ଯୁବକ ପଥରରେ ଛେଚି କରି ଥିଲେ ହତ୍ୟା l ଟିଟିଲାଗଡ଼ ଏସଡିପିଓ ଅଙ୍କିତା କୁମ୍ଭାରଙ୍କ ନେତୃତ୍ୱରେ ଏକ ସ୍ୱତନ୍ତ୍ର ଟିମ ଗଠନ କରାଯାଇ ୨ ଜଣ ଙ୍କୁ ସଇଁନ୍ତଲା ଥାନା ରେ ରଖି ପଚରା ଉଚରା ଜାରି ରହି ଥିଲେl ଶେଷରେ ଦୁଇ ଜଣ ମିଶି ହତ୍ୟା କରି ଥିବା ସ୍ୱୀକାର କରିବା ପରେ କୋର୍ଟ ଚାଲାଣ କରିଥିବା ନେଇ ଏସଡିପିଓ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି l ଏଭଳି ଅଭାବନୀୟ ଘଟଣା ଦେଖିବାକୁ ମିଳିଥିଲା ଗତ 21 ତାରିଖ ଦିନ ବଲାଙ୍ଗିର ଜିଲ୍ଲା ସଇଁନ୍ତଲା ବ୍ଲକ ଟିକ୍ରାପଡା ଫାଣ୍ଡି ଦେଓଗାଁ ରେ l ସୂଚନା ମତେ,ଗତ ୨୧ ତାରିଖ ବିଳମ୍ବିତ ରାତ୍ରୀ ରେ ସଇଁନ୍ତଲା ଥାନା ଅନ୍ତର୍ଗତ ଟିକ୍ରାପଡ଼ା ଫାଣ୍ଡି ଅଧିନସ୍ଥ ଦେଓଗାଁ ଗୋଷ୍ଠି କେନ୍ଦ୍ର ନିକଟରେ ରକ୍ତ ଜୁଡୁବୁଡୁ ଅବସ୍ଥାରେ ଦେଓଗାଁ ଗ୍ରାମ ର ବୁଦ୍ଧଦେବ ନାଗ(୨୯) ଙ୍କ ମୃତ ଦେହ ଉଦ୍ଧାର କରିଥିଲା ପୋଲିସ ।
ଏହି ଘଟଣା କୁ ଆଧାର କରି ପୋଲିସ ଏକ ମାମଲା ରୁଜୁ କରିବା ସହ ଟିଟିଲାଗଡ ଏସଡିପିଓ ଅଙ୍କିତା କୁମ୍ଭାର ଙ୍କ ନେତୃତ୍ଵରେ ପୋଲିସ ଏହାର ତଦନ୍ତ ଜାରି ରଖିଥିଲା । ତେବେ ଘଟଣା ରେ ସମ୍ପୃକ୍ତ ଥିବା ନେଇ ଉକ୍ତ ଗାଁ ର ଦୁଇ ଅଭିଯୁକ୍ତ ଦେବାଶିଷ ବେଟକା ଓ ନକୁଲ ନାଗ ଙ୍କୁ ସଇଁନ୍ତଲା ଥାନା ରେ ଅଟକ ରଖି ପଚରାଉଚରା କରିଥିବା ବେଳେ ଘଟଣା ରେ ଦୁଇ ଜଣ ସମ୍ପୃକ୍ତ ଥିବା ନେଇ ଜଣା ପଡିଥିଲା। ଏନେଇ ଟିଟିଲାଗଡ ଏସଡିପିଓ ଅଙ୍କିତା କୁମ୍ଭାର ସଇଁନ୍ତଲା ଥାନା ରେ ସାମ୍ବାଦିକ ସମ୍ମିଳନୀ ଜରିଆରେ ପ୍ରକାଶ କରିଥିଲେ। ଏବଂ ଦୁଇ ଅଭିଯୁକ୍ତ ଙ୍କୁ କୋର୍ଟ ଚାଲାଣ କରାଯାଇଛି l