ଅଭିନେତା ମିଟୁ ମିଥୁନଙ୍କ ମୃତ୍ୟୁ ଗୁଜବ

ଭୁବନେଶ୍ୱର: ଅଭିନେତା ମିଟୁ ମିଥୁନଙ୍କ ମୃତ୍ୟୁ ଗୁଜବ । ମିଥ୍ୟା ମୃତ୍ୟୁ ଖବର ସୋସିଆଲ ମିଡିଆରେ ଭାଇରାଲ । ଏକ ୱେବ୍ ଚ୍ୟାନେଲ ଅଭିନେତାଙ୍କ ମିଥ୍ୟା ମୃତ୍ୟୁ ଖବର ପ୍ରସାରିତ କରିଥିଲା । ଅଭିନେତା ନିଜେ ଏହି ମିଥ୍ୟା ଖବର ସମ୍ପର୍କିତ ୱେବ ଚ୍ୟାନେଲ ଓ ଏହାର ମାଲିକଙ୍କ ବିରୋଧରେ ସାଇବର ଥାନାରେ ଅଭିଯୋଗ କରିଛନ୍ତି । ଅଭିନେତା ଗଣମାଧ୍ୟମକୁ ସୂଚନା ଦେଇ କହିଛନ୍ତି ଯେ, ୱେବ୍ ଚ୍ୟାନେଲରେ ପ୍ରସାରିତ ହେଉଥିବା ଖବରରେ କୌଣସି ପ୍ରକାର ସତ୍ୟତା ନାହିଁ । ସେ କିଛି ଦିନ ପୂର୍ବରୁ ସାମାନ୍ୟ ଅସୁସ୍ଥ ଥିଲେ, କିନ୍ତୁ ଏବେ ସମ୍ପୂର୍ଣ୍ଣ ସୁସ୍ଥ ଅଛନ୍ତି ।
ସୂଚନାଯୋଗ୍ୟ, ଏକ ଫେସବୁକ ପେଜରେ ମିଥ୍ୟା ମୃତ୍ୟୁ ଖବର ପ୍ରସାରିତ ହେବା ପରେ ଭାଇରାଲ ହୋଇଥିଲା । ଏକ ଭିଡିଓ ଜାରି କରି କୁହାଯାଇଥିଲା କି, ପୁଷ୍ପା-୨ ଫିଲ୍ମର ସୁଟିଂ ସମୟରେ ଅଲ୍ଲୁ ଅର୍ଜୁନଙ୍କ ମାଡରେ ମିଟୁ ମିଥୁନଙ୍କ ମୃତ୍ୟୁ ଘଟିଛି । ଏହି ଖବର ଚାରିଆଡେ ଭାଇରାଲ ହୋଇଥିଲା । କିନ୍ତୁ ପରେ ଜଣା ପଡିଥିଲା ଯେ, ଏହା ଏକ ମିଥ୍ୟା ଖବର ଅଟେ ।