ନନ୍ଦନକାନନ ଥାନା ନିକଟରୁ ନବଜାତ ଶିଶୁ ଉଦ୍ଧାର

ଭୁବନେଶ୍ବର: ଭୁବନେଶ୍ୱରର ନନ୍ଦନକାନନ ଥାନା ନିକଟରୁ ଏକ ନବଜାତ ଶିଶୁ ଉଦ୍ଧାର କରାଯାଇଛି। କେହି ଅଜଣା ବ୍ୟକ୍ତି ଉକ୍ତ ଶିଶୁକୁ ସେଠାରେ ଛାଡି ଚାଲିଯାଇଥିବାର ଅନୁମାନ କରାଯାଉଛି।

ମିଳିଥିବା ସୂଚନା ଅନୁଯାୟୀ, ଜଣେ ଅଜଣା ବ୍ୟକ୍ତି ନବଜାତ ଶିଶୁକନ୍ୟାକୁ ବସ୍ତାରେ ଘୋଡ଼ାଇ କଲଭର୍ଟ ତଳେ ଫିଙ୍ଗି ଦେଇଥିଲେ। ରଘୁନାଥପୁର ଅଞ୍ଚଳର ଜଣେ ସ୍ଥାନୀୟ ବାସିନ୍ଦା ନନ୍ଦନକାନନ ଥାନା ସମ୍ମୁଖରେ ଥିବା ଏକ କଲଭର୍ଟ ତଳୁ ନବଜାତ ଶିଶୁକୁ ଉଦ୍ଧାର କରି ପୋଲିସକୁ ଖବର ଦେଇଥିଲେ। ପୁଲିସ ନବଜାତ ଶିଶୁକୁ ଭୁବନେଶ୍ୱର କ୍ୟାପିଟାଲ ହସ୍ପିଟାଲରେ ଭର୍ତ୍ତି କରିଛି। ଶିଶୁର ପିତାମାତାଙ୍କ ପରିଚୟ ନ ମିଳିଲେ ଶିଶୁକନ୍ୟାକୁ ଅନାଥ ଆଶ୍ରମକୁ ହସ୍ତାନ୍ତର କରାଯିବ।