ଲେଡି ପୋଷ୍ଟମାଷ୍ଟରଙ୍କ ହତ୍ୟାକାରୀ ତାଙ୍କ ପ୍ରେମିକ

ସୁନ୍ଦରଗଡ: ସୁନ୍ଦରଗଡ ଲେଫ୍ରିପଡା ଥାନା ଅନ୍ତର୍ଗତ ଏକ ଜଙ୍ଗଲ ନିକଟରୁ ମିଳିଥିବା ଲେଡି ପୋଷ୍ଟମାଷ୍ଟର ସ୍ନିଗ୍ଧା ପ୍ରଧାନଙ୍କ ହତ୍ୟାକାରୀ ହେଉଛନ୍ତି ତାଙ୍କ ପ୍ରେମିକ ନୟନ ସେଠ୍ । ଏକଥା ନିଜେ ସ୍ୱୀକାର କରିଛନ୍ତି ଅଭିଯୁକ୍ତ ନୟନ । ସ୍ନିଗ୍ଧା ତାଙ୍କ ପ୍ରତି ବିଶ୍ୱସ୍ତ ନଥିବା ସନ୍ଦେହ କରି ସେ ତାଙ୍କୁ ହତ୍ୟା କରିଛନ୍ତି ।

ମିଳିଥିବା ସୂଚନା ଅନୁସାରେ, ସୋମବାର ସନ୍ଧ୍ୟାରେ ସ୍ନିଗ୍ଧା ଓ ନୟନଙ୍କ ମଧ୍ୟରେ ପ୍ରେମ ସମ୍ପର୍କକୁ ନେଇ ଯୁକ୍ତିତର୍କ ହୋଇଥିଲା । ସେହି ସମୟରେ ନିୟନ୍ତ୍ରଣ ହରାଇ ପାଖରେ ରଖିଥିବା ଛୁରୀରେ ସ୍ନିଗ୍ଧାଙ୍କୁ ଅତର୍କିତ ଆକ୍ରମଣ କରିଥିଲା ନୟନ । ଯାହାଫଳରେ ଘଟଣାସ୍ଥଳରେ ହିଁ ସ୍ନିଗ୍ଧାଙ୍କର ମୃତ୍ୟୁ ହୋଇଥିଲା। ପୋଲିସ ପଚରାଉଚରା କରିବାକୁ ସେ କହିଛି ଯେ, ଏହି ହତ୍ୟାକାଣ୍ଡର ଯୋଜନା କରି ଏକ ଛୁରୀ କିଣିଥିଲେ । ସ୍ନିଗ୍ଧାଙ୍କ ପରିବାର ଲୋକେ ସେମାନଙ୍କ ବିବାହକୁ ନେଇ ଅରାଜି ଥିବା ସନ୍ଦେହ କରି ନୟନ ଏଭଳି କାଣ୍ଡ ଭିଆଇଥିବା ସ୍ୱୀକାର କରିଛି । ଅଭିଯୁକ୍ତକୁ ଆଜି କୋର୍ଟ ଚାଲାଣ କରାଯିବ।