ସହକାରୀ ମତ୍ସ୍ୟ ଅଧିକାରୀଙ୍କୁ ଗିରଫ କଲା ଭିଜିଲାନ୍ସ

ସମ୍ବଲପୁର, ୧୫/୧୨/୨୩: ସମ୍ବଲପୁର ଜିଲ୍ଲା ନାକଟିଦେଉଳସ୍ଥିତ ସହକାରୀ ମତ୍ସ୍ୟ ଅଧିକାରୀ ସ୍ନେହଲତା ମହାନ୍ତିଙ୍କୁ ଡବ୍ଲୁଏସ୍ଏଚଜିଏସ୍ ଦ୍ୱାରା ଜିପି ଟାଙ୍କିରେ ସବସିଡି ରାଶି ପ୍ରଦାନ କରିବା ପାଇଁ ସ୍ବୟଂ ସହାୟକ ସ୍ବୟଂ ସହାୟକ ଗୋଷ୍ଠୀଙ୍କ ଠାରୁ ବ୍ୟାଙ୍କ ଚେକ୍ ଆକାରରେ ୨୦ ହଜାର ଟଙ୍କା ଲାଞ୍ଚ ମାଗିବା ଓ ଗ୍ରହଣ କରିବା ଅଭିଯୋଗରେ ଭିଜିଲାନ୍ସ ଅଧିକାରୀମାନେ ଶୁକ୍ରବାର ଗିରଫ କରିଛନ୍ତି।

ଭିଜିଲାନ୍ସ ଅଧିକାରୀମାନେ ଅଭିଯୁକ୍ତଙ୍କ ନିକଟରୁ ବ୍ୟାଙ୍କ ଚେକ୍ ଏବଂ ଆନୁସଙ୍ଗିକ କାଗଜପତ୍ର ଜବତ କରିଛନ୍ତି। ଏହି ଜାଲ ପରେ ଆୟ ବହିର୍ଭୂତ ସମ୍ପତ୍ତି ଦୃଷ୍ଟିକୋଣରୁ ସ୍ନେହଲତାଙ୍କ ଦୁଇଟି ସ୍ଥାନରେ ଏକକାଳୀନ ଚଢ଼ଉ ଜାରି ରହିଛି। ଏହା ସହ ଭିଜିଲାନ୍ସ ଶ୍ରୀ ମହାନ୍ତିଙ୍କ ବିରୋଧରେ ପିସି (ସଂଶୋଧନ) ଆଇନ ୨୦୧୮ର ଧାରା ୭ ଅନୁଯାୟୀ ମାମଲା ରୁଜୁ କରିଛି।