ଓସିଏର କାର୍ଯ୍ୟକାରୀ ସଭାପତି ହେଲେ ପଙ୍କଜ ମହାନ୍ତି

ଭୁବନେଶ୍ୱର, ୨୯/୧୨: ଓଡ଼ିଶା କ୍ରିକେଟ ଆସୋସିଏସନ୍ (ଓସିଏ)ର କାର୍ଯ୍ୟକାରୀ ସଭାପତି ହେଲେ ପଙ୍କଜ ମହାନ୍ତି। ୨୦୧୯ ଅକ୍ଟୋବର ମାସରୁ ୨୦୨୨ ଅକ୍ଟୋବର ପର୍ଯ୍ୟନ୍ତ ସେ ଓସିଏ ସଭାପତି ରହିଥିଲେ। ଓସିଏ ସଭାପତି ଟର୍ମ ଆଉ ୧୦ ମାସ ରହିଥିବା ବେଳେ ଆସନ୍ତା ୧୦ ମାସ ପର୍ଯ୍ୟନ୍ତ ସେ ଓସିଏର ସଭାପତି ରହିପାରନ୍ତି ବୋଲି ସୂଚନା ମିଳିଛି। ବର୍ତ୍ତମାନ ସୁଦ୍ଧା ସେ ଓସିଏର ଉପସଭାପତି ଭାବେ କାର୍ଯ୍ୟ କରୁଥିଲେ।

ସୂଚନାଯୋଗ୍ୟ, ଆଜି ଓଡିଶା କ୍ରିକେଟ ଆସୋସିଏସନ୍ (ଓସିଏ) ସଭାପତି ପଦରୁ ଇସ୍ତଫା ଦେଇଥିଲେ ପ୍ରଣବ ପ୍ରକାଶ ଦାସ। ପ୍ରଣବ ଦାସ ଓସିଏ ସଭାପତି ପଦରୁ ବ୍ୟକ୍ତିଗତ କାରଣ ଦର୍ଶାଇ ଇସ୍ତଫା ଦେଇଥିଲେ। ୨୦୨୨ ଅକ୍ଟୋବର ୨୮ରୁ ସେ ଏହି ପଦରେ ରହିଥିଲେ। ଆସନ୍ତା ୪୫ ଦିନ ମଧ୍ୟରେ ନୂତନ ସଭାପତି ପାଇଁ ନିର୍ବାଚନ ହେବ।