ଭୁବନେଶ୍ୱର, ୧୩/୦୨: ବରିଷ୍ଠ କଂଗ୍ରେସ ନେତା ନିରଞ୍ଜନ ପଟ୍ଟନାୟକଙ୍କ ଘରୁ ଲକ୍ଷାଧିକ ଟଙ୍କା ଚୋରି କରିଥିବା ଘଟଣାରେ ଚୋରକୁ ଗିରଫ କରିଛି ନୟାପଲ୍ଲୀ ପୋଲିସ। ଗତକାଲି ରାତିରେ ତାଙ୍କୁ ଆନ୍ଧ୍ରପ୍ରଦେଶରୁ ଗିରଫ କରାଯାଇଛି।
ଆହୁରି ପଢ଼ନ୍ତୁ...
ମିଳିଥିବା ସୂଚନା ଅନୁଯାୟୀ, ଗତ ଜାନୁଆରି ୨୫ ତାରିଖରେ ଭୁବନେଶ୍ୱର ନୟାପଲ୍ଲୀସ୍ଥିତ ବରିଷ୍ଠ କଂଗ୍ରେସ ନେତା ନିରଞ୍ଜନ ପଟ୍ଟନାୟକଙ୍କ ଘରେ ତାଙ୍କ ପୁଅ ବୋହୁଙ୍କ ରୁମରୁ ପ୍ରାୟ ୫୦ ଲକ୍ଷରୁ ଉର୍ଦ୍ଧ୍ବ ଟଙ୍କାର ସୁନାଗହଣା ଲୁଟି ନେଇଥିଲା ଏହି ହାଇ ପ୍ରୋଫାଇଲ୍ ଚୋର। ଏଥିରେ ତଦନ୍ତ ପ୍ରକ୍ରିୟାକୁ ଆଗକୁ ବଢାଇଥିଲା ପୋଲିସ। ଆନ୍ଧ୍ରପ୍ରଦେଶର ବିଜୟଓ୍ଵାଡ଼ାରୁ ଗିରଫ ହୋଇଥିବା ଚୋର ଜଣକ ହେଉଛି ସତୀଶ ରେଡ୍ଡୀ। ସ୍ଥାନୀୟ ପୋଲିସ ସହାୟତାରେ ଚୋରକୁ ଗିରଫ କରାଯାଇଛି। ଟ୍ରାଞ୍ଜିଟ ରିମାଣ୍ଡରେ ଆଣି ଭୁବନେଶ୍ୱରରେ ପଚରାଉଚରା କରାଯାଉଛି।