‘ଦିଲ୍ଲୀରେ ହିଁ କାହିଁକି ବାଣ ଫୁଟାଇବା ଉପରେ ପ୍ରତିବନ୍ଧକ ଲାଗିବ, ଅନ୍ୟ ସହରରେ କାହିଁକି ନୁହେଁ’
ସାରା ଦେଶରେ ବାଣ ଫୁଟାଇବା ବ୍ୟାନ କରିବା ଉଚିତ୍: ସୁପ୍ରିମକୋର୍ଟ
ନୂଆଦିଲ୍ଲୀ, ୧୨/୯: ଦିଲ୍ଲୀରେ ବାଣ ଫୁଟାଇବା ବ୍ଯାନକୁ ନେଇ ଏକ ଆବେଦନର ଶୁଣାଣି ବେଳେ ସୁପ୍ରିମକୋର୍ଟ କାହିଁକି ଦିଲ୍ଲୀ ଏନସିଆରରେ ହିଁ ବାଣ ବ୍ୟାନ ହେବ ଓ ଅନ୍ୟ ସହରଗୁଡିକରେ କାହିଁକି ହେବ ନାହିଁ ବୋଲି ପ୍ରଶ୍ନ କରିଛନ୍ତି।
ଶୁକ୍ରବାର ସୁପ୍ରିମକୋର୍ଟ ମୁଖ୍ୟ ବିଚାରପତି ବି.ଆର. ଗଭାଇ କହିଛନ୍ତି ଯେ କାହିଁକି ବାଣ ଫୁଟାଇବା ଉପରେ ପ୍ରତିବନ୍ଧକ କେବଳ ଦିଲ୍ଲୀ-ଏନସିଆରରେ ଲାଗୁ ହେବା ଉଚିତ୍। ଗୁରୁତର ପ୍ରଦୂଷଣର ସମ୍ମୁଖୀନ ହେଉଥିବା ଅନ୍ୟ ସହରଗୁଡ଼ିକରେ କାହିଁକି ଲାଗୁ ହେବ ନାହିଁ।
ଯଦି ଏନସିଆରରେ ନାଗରିକମାନେ ସ୍ୱଚ୍ଛ ବାୟୁ ପାଇବାର ହକଦାର, ତେବେ ଅନ୍ୟ ସହରର ଲୋକମାନେ କାହିଁକି ନୁହେଁ? ଏବଂ ଜୋର ଦେଇ କହିଛନ୍ତି ଯେ ଯେକୌଣସି ବାଣ ଫୁଟାଇବା ନୀତି ଭାରତୀୟ ସ୍ତରରେ ହେବା ଆବଶ୍ୟକ।
ଆମେ କେବଳ ଦିଲ୍ଲୀ ପାଇଁ ନୀତି କରିପାରିବୁ ନାହିଁ କାରଣ ସେମାନେ ଦେଶର ସମ୍ଭ୍ରାନ୍ତ ନାଗରିକ? ମୁଁ ଗତ ଶୀତ ୠତୁରେ ଅମୃତସରରେ ଥିଲି ଏବଂ ସେଠାକାର ପ୍ରଦୂଷଣ ଦିଲ୍ଲୀ ଅପେକ୍ଷା ଖରାପ ଥିଲା। ଯଦି ବାଣ ଫୁଟାଇବା ଉପରେ ପ୍ରତିବନ୍ଧକ ଲଗାଯାଏ, ତେବେ ତାହା ସାରା ଦେଶରେ ପ୍ରତିବନ୍ଧକ ଲଗାଯିବା ଉଚିତ,” ସିଜେଆଇ ଆହୁରି କହିଛନ୍ତି।
ବାଣ ଫୁଟାଇବା ଉପରେ ଦେଶବ୍ୟାପୀ ପ୍ରତିବନ୍ଧକ ଲଗାଇବା ପାଇଁ ଏକ ଆବେଦନ ଉପରେ ଖଣ୍ଡପୀଠ ବାୟୁ ଗୁଣବତ୍ତା ପରିଚାଳନା କମିଶନ (CAQM)କୁ ନୋଟିସ୍ ଜାରି କରିଛନ୍ତି।