ବରଗଡ଼, ୦୬/୦୧: ଏକ ପାଞ୍ଚ ବର୍ଷର ଶିଶୁକନ୍ୟାଙ୍କୁ ଦୁଷ୍କର୍ମ ଏବଂ ହତ୍ୟା କରିବା ଅଭିଯୋଗରେ ଦୋଷୀ ସାବ୍ୟସ୍ତ ହୋଇଥିବା ଜଣେ ଦୁଷ୍କର୍ମକାରୀକୁ ମୃତ୍ୟୁଦଣ୍ଡ ଦେଇଛନ୍ତି ବରଗଡ଼ ପୋସ୍କୋ କୋର୍ଟ।
ଆହୁରି ପଢ଼ନ୍ତୁ...
୨୦୨୪ରେ ବରଗଡ଼ ଜିଲ୍ଲାର ପାଇକମାଲ ଅଞ୍ଚଳରେ ଅପରାଧ ଘଟାଇଥିବା ପ୍ରଶାନ୍ତ ବରିହାଙ୍କୁ ଦୋଷୀ ସାବ୍ୟସ୍ତ କରି କୋର୍ଟ ୩୭ ଜଣ ସାକ୍ଷୀଙ୍କ ବୟାନ ଆଧାରରେ ମୃତ୍ୟୁଦଣ୍ଡ ଦେଇଛନ୍ତି। ମୃତ୍ୟୁଦଣ୍ଡ ସହିତ, କୋର୍ଟ ଜିଲ୍ଲା ଆଇନ ସେବା ପ୍ରାଧିକରଣ (DLSA)କୁ ମୃତ ଶିଶୁର ପରିବାରକୁ କ୍ଷତିପୂରଣ ସ୍ୱରୂପ ୧୫ ଲକ୍ଷ ଟଙ୍କା ପ୍ରଦାନ କରିବାକୁ ନିର୍ଦ୍ଦେଶ ଦେଇଛନ୍ତି।
ସୂଚନା ଅନୁଯାୟୀ, ୧୫ ନଭେମ୍ବର, ୨୦୨୪ରେ ଏହି କାଣ୍ଡ ଘଟାଇଥିଲା ଅଭିଯୁକ୍ତ। ଦୋଷୀ ଜଣକ ନାବାଳିକାଙ୍କୁ ମାଛ ଧରିବା ବାହାନାରେ ନିକଟସ୍ଥ ଜଙ୍ଗଲକୁ ନେଇ ଦୁଷ୍କର୍ମ କରିବା ପରେ ହତ୍ୟା କରିଥିଲା।