ଆଜିର ତାରିଖ ୧୨ ଜାନୁଆରୀ ୨୦୨୬
ଜାତୀୟ ଯୁବ ଦିବସ:- ଜାତୀୟ ଯୁବ ଦିବସ ୧୨ ଜାନୁଆରୀରେ ସ୍ୱାମୀ ବିବେକାନନ୍ଦଙ୍କ ଜନ୍ମଦିନରେ ପାଳନ କରାଯାଏ। ୧୯୮୪ରେ ଭାରତ ସରକାର ଏହି ଦିନକୁ ଜାତୀୟ ଯୁବ ଦିବସ ଭାବରେ ଘୋଷଣା କରିଥିଲେ ଏବଂ ୧୯୮୫ ପରଠାରୁ ପ୍ରତିବର୍ଷ ଭାରତରେ ଏହି କାର୍ଯ୍ୟକ୍ରମ ପାଳନ କରାଯାଏ। ବିଦ୍ୟାଳୟ ଓ ମହାବିଦ୍ୟାଳୟରେ ଜାତୀୟ ଯୁବ ଦିବସ ପାଳନ କରାଯାଏ। ୧୯୮୪ ମସିହାରେ ସ୍ୱାମୀ ବିବେକାନନ୍ଦଙ୍କ ଜନ୍ମଦିନକୁ ଭାରତ ସରକାର ‘ଜାତୀୟ ଯୁବ ଦିବସ’ ଭାବେ ପାଳନ କରିବା ପାଇଁ ଘୋଷଣା କରିଥିଲେ।
ବିଶିଷ୍ଟ ବ୍ୟକ୍ତିଙ୍କ ଜନ୍ମ ଦିବସ:-
୧. ସ୍ୱାମୀ ବିବେକାନନ୍ଦ (୧୨ ଜାନୁଆରୀ ୧୮୬୩ – ୪ ଜୁଲାଇ ୧୯୦୨), ବେଦାନ୍ତର ଜଣେ ବିଶ୍ୱ ପ୍ରସିଦ୍ଧ ଆଧ୍ୟାତ୍ମିକ ଧର୍ମ ଗୁରୁ। ସନାତନ (ହିନ୍ଦୁ) ଧର୍ମକୁ ବିଶ୍ୱଦରବାରରେ ପରିଚିତ କରିବାରେ ତାଙ୍କର ଅବଦାନ ଅତୁଳନୀୟ। ସେ ୧୮୯୩ ମସିହା ଆମେରିକାର ଚିକାଗୋ ବିଶ୍ୱଧର୍ମ ସମ୍ମିଳନୀରେ ହିନ୍ଦୁଧର୍ମର ପ୍ରତିନିଧିତ୍ୱ କରିଥିଲେ। ସେଠାରେ ସେ ହିନ୍ଦୁ ଧର୍ମ ଉପରେ ମର୍ମସ୍ପର୍ଶୀ ଭାଷଣଦେଇ ଇତିହାସ ରଚିଥିଲେ। ୧୮୬୩ ମସିହା ଜାନୁଆରୀ ୧୨ ତାରିଖରେ କଲିକତାର ସିମିଳାପଲ୍ଲୀରେ ବିଶ୍ୱନାଥ ଦତ୍ତ ଓ ଭୁବନେଶ୍ୱରୀ ଦେବୀଙ୍କର ପୁତ୍ରରୁପେ ଜନ୍ମଗ୍ରହଣ କରିଥିଲେ। ସ୍ୱାମୀ ବିବେକାନନ୍ଦଙ୍କ ଗୁରୁ ଥିଲେ ରାମକୃଷ୍ଣ ପରମହଂସ। ମାତ୍ର ୨୬ ବର୍ଷ ବୟସରେ ସେ ସନ୍ନ୍ୟାସୀ ହୋଇଥିଲେ ଓ ତା ପରେ ପାଶ୍ଚାତ୍ୟ ଭ୍ରମଣ କରି ସଂପୂର୍ଣ୍ଣ ବିଶ୍ୱରେ ହିନ୍ଦୁ ଧର୍ମ ଓ ବେଦାନ୍ତର ପ୍ରଚାର ଓ ପ୍ରସାର କରିଥିଲେ। ୧୮୯୭ ଖ୍ରୀଷ୍ଟାବ୍ଦ ମେ ୧ ତାରିଖରେ ସେ ‘ରାମକୃଷ୍ଣ ମିଶନ’ ସଂଘର ପ୍ରତିଷ୍ଠା କରିଥିଲେ।
୨. ଭଗବାନ ଦାସ (୧୨ ଜାନୁଆରୀ ୧୮୬୯ – ୧୮ ସେପ୍ଟେମ୍ବର ୧୯୫୮) ଜଣେ ମହାନ ବିଦ୍ୱାନ, ସ୍ୱାଧୀନତା ସଂଗ୍ରାମୀ, ସମାଜସେବୀ ଏବଂ ଶିକ୍ଷାବିତ୍ ଥିଲେ। ତାଙ୍କୁ ଏକ ସ୍ୱାଧୀନ ଏବଂ ଶିକ୍ଷିତ ଭାରତର ମୁଖ୍ୟ ପ୍ରତିଷ୍ଠାତାଙ୍କ ମଧ୍ୟରୁ ଜଣେ ବୋଲି ବିବେଚନା କରାଯାଏ।
୩. ଅହମଦ ଫରାଜ (୧୨ ଜାନୁଆରୀ ୧୯୩୧ – ୨୫ ଅଗଷ୍ଟ ୨୦୦୮) ପାକିସ୍ତାନର ଶ୍ରେଷ୍ଠ ଉର୍ଦ୍ଦୁ କବିଙ୍କ ମଧ୍ୟରେ ଜଣେ ଥିଲେ। ଫୈଜ ଅହମଦ ଫୈଜଙ୍କ ପରେ ସେ ସବୁଠାରୁ ଲୋକପ୍ରିୟ ଥିଲେ। ଅହମଦ ଫରାଜଙ୍କ ପ୍ରକୃତ ନାମ ‘ସୟଦ ଅହମଦ ଶାହ ଅଲ୍ଲୀ’ ଥିଲା।
୪. ପ୍ରିୟଙ୍କା ଗାନ୍ଧୀ (୧୨ ଜାନୁଆରୀ ୧୯୭୨) ଭାରତୀୟ ଜାତୀୟ କଂଗ୍ରେସ ଦଳର ଜଣେ ପ୍ରମୁଖ ସଦସ୍ୟା ତଥା ଜଣେ ରାଜନେତ୍ରୀ। ସେ ଭାରତର ପୂର୍ବତନ ପ୍ରଧାନମନ୍ତ୍ରୀ ରାଜୀବ ଗାନ୍ଧୀ ଓ ସୋନିଆ ଗାନ୍ଧୀଙ୍କ ଝିଅ ଓ ବର୍ତ୍ତମାନର କଂଗ୍ରେସ ମୁଖ୍ୟ ରାହୁଲ ଗାନ୍ଧୀଙ୍କ ଭଉଣୀ। ସେ ଫିରୋଜ ଗାନ୍ଧୀ ଓ ଇନ୍ଦିରା ଗାନ୍ଧୀଙ୍କ ନତୁଣୀ ଏବଂ ନେହେରୁ-ଗାନ୍ଧୀ ବଂଶର ଜଣେ ଉତ୍ତରାଧିକାରୀ।
ବିଶିଷ୍ଟ ବ୍ୟକ୍ତିଙ୍କ ତିରୋଧାନ ଦିବସ:-
୧. ଗୋପୀନାଥ ସାହା (୧୯୦୧ – ୧୨ ଜାନୁଆରୀ ୧୯୨୪) ପଶ୍ଚିମବଙ୍ଗର ଜଣେ ପ୍ରସିଦ୍ଧ ବିପ୍ଳବୀ ଥିଲେ। ସେ ‘ହିନ୍ଦୁସ୍ତାନ ରିପବ୍ଲିକାନ୍ ଆସୋସିଏସନ୍’ର ସଦସ୍ୟ ଥିଲେ। ତାଙ୍କର ମୁଖ୍ୟ କାର୍ଯ୍ୟ କ୍ଷେତ୍ର ବଙ୍ଗ ଥିଲା।
୨. ଅମରୀଶ ପୁରୀ (୨୨ ଜୁନ୍ ୧୯୩୨ – ୧୨ ଜାନୁଆରୀ ୨୦୦୫) ଜଣେ ଭାରତୀୟ ଅଭିନେତା ଥିଲେ, ଯିଏ ଭାରତୀୟ ରଙ୍ଗମଞ୍ଚ ଏବଂ ସିନେମାର ଜଣେ ଗୁରୁତ୍ୱପୂର୍ଣ୍ଣ ବ୍ୟକ୍ତିତ୍ୱ ଥିଲେ। ସେ ହିନ୍ଦୀ ସିନେମା ସହିତ ଅନ୍ୟାନ୍ୟ ଭାରତୀୟ ଏବଂ ଆନ୍ତର୍ଜାତୀୟ ଚଳଚ୍ଚିତ୍ରରେ ଖଳନାୟକ ଭୂମିକାରେ ଅଭିନୟ କରିବା ପାଇଁ ଜଣାଶୁଣା। ଅମରୀଶ ପୁରୀ ଶେଖର କପୁରଙ୍କ ହିନ୍ଦୀ ଚଳଚ୍ଚିତ୍ର ମିଷ୍ଟର ଇଣ୍ଡିଆ (୧୯୮୭)ରେ ମୋଗାମ୍ବୋ ଭାବରେ ପ୍ରସିଦ୍ଧ ଏବଂ ଷ୍ଟିଭେନ ସ୍ପିଲବର୍ଗଙ୍କ ହଲିଉଡ୍ ଚଳଚ୍ଚିତ୍ର ଇଣ୍ଡିଆନା ଜୋନ୍ସ ଆଣ୍ଡ୍ ଦି ଟେମ୍ପଲ୍ ଅଫ୍ ଡୁମ୍ (୧୯୮୪)ରେ ମୋଲା ରାମ ଭାବରେ ଜଣାଶୁଣା। ତାଙ୍କର ଜନ୍ମ ୨୨ ଜୁନ୍ ୧୯୩୨ରେ ବ୍ରିଟିଶ ଭାରତର ପଞ୍ଜାବର ନୱାନଶହରରେ ହୋଇଥିଲା। ଅମରୀଶ ପୁରୀଙ୍କ ମୃତ୍ୟୁ ୧୨ ଜାନୁଆରୀ ୨୦୦୫ରେ ମୁମ୍ବାଇ, ମହାରାଷ୍ଟ୍ରରେ ହୋଇଥିଲା।
ନଜର ପକାନ୍ତୁ ଆଜିର ଦିନରେ ଘଟିଥିବା ଗୁରୁତ୍ୱପୂର୍ଣ୍ଣ ଘଟଣାକ୍ରମ ଉପରେ:-
୧୭୫୭ – ବ୍ରିଟେନ ପର୍ତ୍ତୁଗାଲଠାରୁ ପଶ୍ଚିମବଙ୍ଗର ବାଣ୍ଡେଲ ପ୍ରଦେଶ କବ୍ଜା କରିଥିଲା।
୧୮୬୬ – ଲଣ୍ଡନରେ ରୟାଲ୍ ଏରୋନଟିକାଲ୍ ସୋସାଇଟି ଗଠିତ ହୋଇଥିଲା।
୧୯୩୪ – ଭାରତର ସ୍ୱାଧୀନତା ସଂଗ୍ରାମର ମହାନ ବିପ୍ଳବୀ ସୂର୍ଯ୍ୟ ସେନଙ୍କୁ ଚିଟାଗଙ୍ଗରେ ଫାଶୀ ଦିଆଯାଇଥିଲା। ସେ ଭାରତୀୟ ଗଣତନ୍ତ୍ର ସେନା ପ୍ରତିଷ୍ଠା କରିଥିଲେ ଏବଂ ଚିଟାଗଙ୍ଗ ବିଦ୍ରୋହର ସଫଳତାର ସହିତ ନେତୃତ୍ୱ ନେଇଥିଲେ।
୨୦୦୧ – ନୈଫ ନଦୀ ବନ୍ଧ ନିର୍ମାଣ ଯୋଜନାକୁ ନେଇ ବାଂଲାଦେଶ-ମିଆଁମାର ସୀମାରେ ଉତ୍ତେଜନା ପରେ ଭାରତ ଇଣ୍ଡୋନେସିଆ-ରୁଷ-ଚୀନ୍ ଚୁକ୍ତିକୁ ପ୍ରତ୍ୟାଖ୍ୟାନ କଲା, ସେନା ମୁତୟନ କଲା।
୨୦୧୮ – ISRO ଏହାର ୧୦୦ତମ ଉପଗ୍ରହ ଉତକ୍ଷେପଣ କଲା, ଏକତ୍ର ୩୧ଟି ଉପଗ୍ରହ ପଠାଇଲା।