କାମାକ୍ଷାନଗର, ୧୯/୦୩: ଢେଙ୍କାନାଳ ଜିଲ୍ଲାର କାମାକ୍ଷାନଗର ଥାନା ଅନ୍ତର୍ଗତ ସାରୁଆଲି ଗାଁ ନିକଟ ଜଙ୍ଗଲରେ ଗୁରୁବାର ଜଣେ କଲେଜ ଛାତ୍ରୀଙ୍କୁ ମୃତ ଅବସ୍ଥାରେ ଉଦ୍ଧାର କରାଯାଇଛି। ତାଙ୍କୁ ଅତ୍ୟନ୍ତ ନିର୍ମମ ଭାବରେ ହତ୍ୟା କରାଯାଇଥିବା ଜଣାପଡ଼ିଛି।
ଆହୁରି ପଢ଼ନ୍ତୁ...
ମାର୍ଥାପୁର ଗାଁର ଅଙ୍କିତା ପ୍ରିୟଦର୍ଶିନୀ ବାରିକ ନାମକ ପୀଡିତା କାମାକ୍ଷାନଗର ମହିଳା କଲେଜର ପ୍ରଥମ ବର୍ଷର ଛାତ୍ରୀ ଥିଲେ। ଅଙ୍କିତା ଗତକାଲି କଲେଜରେ ପରୀକ୍ଷା ଦେଇଥିଲେ ଏବଂ ସେବେଠାରୁ ଘରକୁ ଫେରି ନଥିଲେ। ଆଜି ତାଙ୍କ ରକ୍ତ ଜୁଡୁବୁଡୁ ମୃତଦେହ ଜଙ୍ଗଲରେ ମିଳିଥିଲା, ପାଖରେ ତାଙ୍କ କଲେଜ ବ୍ୟାଗ ଥିଲା। ପୋଲିସ ସନ୍ଦେହ କରୁଛି ଯେ ଏହା ପ୍ରେମ ସମ୍ପର୍କିତ ହତ୍ୟାକାଣ୍ଡ ହୋଇପାରେ ଏବଂ ମାମଲାର ତଦନ୍ତ କରୁଛି।
ଛାତ୍ରୀଙ୍କ ମୃତଦେହ ପୋଷ୍ଟମର୍ଟମ ପାଇଁ ପଠାଯାଇଛି। ପୋଷ୍ଟମର୍ଟମ ରିପୋର୍ଟ ଆସିବା ପରେ ସମ୍ପୂର୍ଣ୍ଣ ତଥ୍ୟ ସାମନାକୁ ଆସିବ।