ଦୁର୍ବଳ ହେଉଛି ବାତ୍ୟା ସି-ତ୍ରଙ୍ଗ

ଭୁବନେଶ୍ୱର: ଦୁର୍ବଳ ହେଉଛି ବାତ୍ୟା ସି-ତ୍ରଙ୍ଗ। ଉପକୂଳ ବାଂଲାଦେଶ ଉପରେ ବାତ୍ୟା ସି ତ୍ରଙ୍ଗ ଦୂରେଇ ଯାଉଛି । ଏହା ଏକ ଗଭୀର ଅବପାତର ଋପ ନେଇ ଦୁର୍ବଳ ହୋଇଛି । ଉତ୍ତର-ପୂର୍ବ ଦିଗକୁ ଗତି କରିବା ସହ ପରବର୍ତ୍ତୀ ୬ ଘଣ୍ଟା ମଧ୍ୟରେ ଦୁର୍ବଳ ହେବ । ପରବର୍ତ୍ତୀ ୬ଘଣ୍ଟା ମଧ୍ୟରେ ଏକ ସଦୃଶ ଚିହ୍ନିତ ନିମ୍ନ ଚାପ ଅଞ୍ଚଳରେ ପରିଣତ ହେବାର ସମ୍ଭାବନା ଅଧିକ ରହିଛି ।

ଓଡିଶା ଉପରେ ବାତ୍ୟା ସି ତ୍ରାଙ୍ଗର କୌଣସି ପ୍ରଭାବ ପଡିନାହିଁ । ତେବେ ଓଡ଼ିଶାର ଉପକୂଳବର୍ତ୍ତୀ ଅଞ୍ଚଳରେ ପବନର ବେଗ ସ୍ବାଭାବିକ ରହିଛି । ସେପଟେ ମୌସୁମୀ ସମଗ୍ର ଦେଶରୁ ଫେରି ଯାଇଛି ବୋଲି ସୂଚନା ଦେଇଛି ପାଣିପାଗ ବିଭାଗ । ଅନ୍ୟପଟେ ଗତକାଲି ବାଂଲାଦେଶରେ ଲ୍ୟାଣ୍ଡଫଲ କରିଥିଲା ବାତ୍ୟା । ଏହାର ପ୍ରଭାବରେ ୧୧ ଜଣଙ୍କ ମୃତ୍ୟୁ ହୋଇଛି ।