ମାଲକାନଗିରି: ମାଲକାନଗିରି ସୀମାନ୍ତ ଛତିଶଗଡର ବିଜାପୁର ସୀମାରେ ନକ୍ସଲ ଏବଂ ପୁଲିସ ମଧ୍ୟରେ ଗୁଳିବିନିମୟ ଘଟିଛି। ବିଶେଷ ସୂତ୍ରରୁ ଖବର ପାଇ ଜିଲ୍ଲା ପୁଲିସ ସହ ଡିଆରଜି ଯବାନ ଟେକମେଟା, ବଡେ କାକଲେର, ଛୋଟେ କାକଲେର ଅଂଚଳରେ କୁମ୍ବିଂ କରୁଥିଲେ। ନକ୍ସଲ ଯବାନଙ୍କୁ ଦେଖି ଅତର୍କିତ ଗୁଳି ଚଳାଇଥିଲେ। ଯବାନ ମଧ୍ୟ ପାଲଟା ଜବାବ ଦେଇଥିଲେ। ଦୀର୍ଘ ସମୟ ଧରି ଗୁଳିବିନିମୟ ପରେ ନକ୍ସଲ ଛତ୍ରଭଙ୍ଗ ଦେଇଥିଲେ। ଘଟଣାସ୍ଥଳରେ ପୁଲିସ ୨ ଜଣ ମାଓବାଦୀଙ୍କ ମୃତଦେହକୁ ଉଦ୍ଧାର କରିଛି। ଏମାନଙ୍କ ମଧ୍ୟରେ ଜଣେ ମହିଳା ମାଓବାଦୀ ରହିଛନ୍ତି। ଘଟଣାସ୍ଥଳରେ ୨ଟି ବନ୍ଧୁକ ଜବତ କରାଯଇଛି।ଜଂଗଲରେ ଜଣେ ଆହତ ମାଓବାଦୀକୁ ମଧ୍ୟ ପୁଲିସ ଗିରଫ କରିଥିବା କହିଛି। ଏହି ଗୁଳିବିନିମୟ ଆସି ସକାଳ ୭ଟା ବେଳେ ଘଟିଥିବା ପୁଲିସ ସୂଚନା ଦେଇଛି। ଘଟଣାସ୍ଥଳରେ ଏବେ ବି ପୁଲିସ ସର୍ଚ୍ଚ ଅପରେସନ କରୁଛନ୍ତି।
