କାବୁଲ୍: ଆଜି ଆଫଗାନିସ୍ତାନର କାବୁଲ୍ସ୍ଥିତ ସାମରିକ ବିମାନ ବନ୍ଦର ନିକଟରେ ପ୍ରଚଣ୍ଡ ବିସ୍ଫୋରଣ ଘଟିଥିଲା। ଏହି ବିସ୍ଫୋରଣରେ ୧୦ଜଣଙ୍କ ମୃତ୍ୟୁ ଘଟିଥିବା ବେଳେ ୮ଜଣ ଗୁରୁତର ଆହତ ହୋଇଥିବା ସୂଚନା ମିଳିଛି। ଏହି ଆକ୍ରମଣ ପାଇଁ ଏପର୍ଯ୍ୟନ୍ତ କୌଣସି ଆତଙ୍କବାଦୀ ସଂଗଠନ ଦାୟିତ୍ୱ ଗ୍ରହଣ କରିନାହାଁନ୍ତି। ସେଥିପାଇଁ ଏହା ପଛରେ କାହାର ହାତ ରହିଛି, ସେ ନେଇ ଖୋଳତାଡ ଆରମ୍ଭ ହୋଇଛି।
ଆହୁରି ପଢ଼ନ୍ତୁ...
ପୂର୍ବରୁ ତାଲିବାନ ଆଭ୍ୟନ୍ତରୀଣ ମନ୍ତ୍ରାଳୟର ମୁଖପାତ୍ର ଅବ୍ଦୁଲ୍ ନଫି ତାକୋର୍ ‘ରଏଟର୍ସ’କୁ କହିଥିଲେ, ଆଜି ସକାଳେ କାବୁଲ ସେନା ବିମାନ ବନ୍ଦର ବାହାରେ ବିସ୍ଫୋରଣ ଘଟିଛି। ସେଥିଯୋଗୁଁ ଆମର ବହୁସଂଖ୍ୟକ ନାଗରିକ ସହିଦ ଓ ଆହତ ହୋଇଛନ୍ତି। ଘଟଣାର ତଦନ୍ତ ଚାଲିଛି।