ବରଗଡରେ ଘଟିଛି ବଡ ଧରଣର ଅଗ୍ନିକାଣ୍ଡ

ବରଗଡ: ବରଗଡରେ ଘଟିଛି ଏକ ବଡ ଧରଣର ଅଗ୍ନିକାଣ୍ଡ । ଅଗ୍ନିକାଣ୍ଡର ପ୍ରକୃତ କାରଣ ଜଣା ନପଡିଥିବା ବେଳେ ସର୍ଟ ସର୍କିଟ୍ ଯୋଗୁଁ ଏହା ଘଟି ଥାଇପାରେ ବୋଲି ସନେ୍ଦହ କରାଯାଉଛି । ଗୁରୁବାର ବରଗଡର ହାଟପଦା ବଜାରରେ ଏକ ବଡ ଧରଣର ଅଗ୍ନିକାଣ୍ଡ ଘଟିଛି । ରାତି ପ୍ରାୟ ୧୦ଟା ସମୟରେ ଏହି ଅଘଟଣ ଘଟିଥିଲା ।
ସୂଚନାନୁଯାୟୀ, ପ୍ରଥମେ ଏକ ଦୋକାନରେ ନିଆଁ ଲାଗିଥିଲା । ପରେ ସେହି ନିଆଁ ଆହୁରି ସାତୋଟି ଦୋକାନକୁ ବ୍ୟାପି ଯାଇଥିଲା । ଘଟଣା ସମ୍ପର୍କରେ ସୂଚନା ପାଇବା ପରେ ଅଗ୍ନିଶମ ବାହିନୀ ତୁରନ୍ତ ପହଂଚି ନିଆଁକୁ ଆୟତ କରିବାକୁ ଚେଷ୍ଟା କରିଥିଲା । କିନ୍ତୁ ନିଆଁ ଲିଭାଇବା ସମୟରେ ଦୋକାନ ଭିତରେ ଥିବା ଦୁଇଟି ଗ୍ୟାସ ସିଲିଣ୍ଡର ଫାଟିଗଲା, ତେଣୁ ନିଆଁ ଆହୁରି ଦ୍ରୁତ ଗତିରେ ବ୍ୟାପିବାରେ ଲାଗିଲା । ତେବେ ଅଗ୍ନିଶମ ବାହିନୀ ସମ୍ପୂର୍ଣ୍ଣ ନିଆଁକୁ ଲିଭାଇଦେଲା । ଯଦିଓ ଏହି ଅଗ୍ନିକାଣ୍ଡରେ ଜୀବନହାନୀ ହୋଇନାହିଁ, କିନ୍ତୁ ଲକ୍ଷ ଲକ୍ଷ ଟଙ୍କାର ସମ୍ପତି ନଷ୍ଟ ହୋଇଯାଇଥିବା ଜଣା ପଡିଛି ।