ବାଇକ୍-ଟ୍ୟାଙ୍କର ମୁହାଁମହିଁ: ୨ ମୃତ, ଜଣେ ଗୁରୁତର

ରାୟଗଡା: ରାୟଗଡା ଜିଲ୍ଲାରେ ଘଟିଛି ମର୍ମନ୍ତୁଦ ସଡକ ଦୁର୍ଘଟଣା । ଜିଲ୍ଲାର ଟିକିରି ଥାନା ଅନ୍ତର୍ଗତ ଶଙ୍କରା ଗାଁ ନିକଟରେ ଏକ ଟ୍ୟାଙ୍କର ସହ ବାଇକର ଧକ୍କା ହେବା ଫଳରେ ୨ ଜଣଙ୍କର ଘଟଣାସ୍ଥଳରେ ମୃତୁ୍ୟ ହେବା ସହ ଆଉ ଜଣେ ଗୁରୁତର ଆହତ ହୋଇଛନ୍ତି । ଦୁର୍ଘଟଣାର ଶିକାର ହୋଇଥିବା ବ୍ୟକ୍ତିମାନେ ହେଲେ ଡେଙ୍ଗାଗୁଡା ଗ୍ରାମର ମହେଶ୍ୱର ମାଝୀ, ସୁରେଶ ମାଝୀ ଓ କୁପାଚଳ ଗ୍ରାମର ଉଦୟ ମାଝୀ ।
ସୂଚନାନୁସାରେ, ଗତ କାଲି ରାତି ପ୍ରାୟ ୧ଟା ବେଳେ ବାଇକ ଆରୋହୀ ନିଜ କର୍ମସ୍ଥଳୀରୁ ଫେରୁଥିବା ସମୟରେ ଏକ ଆଲୁମିନା ପାଉଡର ବୋଝେଇ ଟ୍ୟାଙ୍କର ଧକ୍କା ଦେଇଥିଲା । ଫଳରେ ଉକ୍ତ ବାଇକ ଓ ଟ୍ୟାଙ୍କର ଜଳିଯିବାରୁ ଘଟଣାସ୍ଥଳରେ ହିଁ ଦୁଇ ଜଣଙ୍କ ମୃତୁ୍ୟ ହୋଇଥିଲା ଏବଂ ଅନ୍ୟ ଜଣେ ଗୁରୁତର ଆହତ ହୋଇଥିଲେ । ପରେ ଉକ୍ତ ଗୁରୁତର ଆହତ ବ୍ୟକ୍ତିଙ୍କୁ ନିକଟସ୍ଥ ଡାକ୍ତରଖାନାରେ ଭର୍ତି କରାଯାଇଥିଲା । ଖବର ପାଇ ଅଗ୍ନିଶମ ବାହିନୀ ଘଟଣାସ୍ଥଳରେ ପହଂଚି ନିଆଁକୁ ଆୟତ କରିବା ସହ ପୋଲିସ ପହଂଚି ଘଟଣାର ତଦନ୍ତ ଆରମ୍ଭ କରିଛି ।