ହଷ୍ଟେଲ ଖାଦ୍ୟ ଖାଇ ୨୦ ଛାତ୍ରୀ ଅସୁସ୍ଥ

କେନ୍ଦୁଝର: କେନ୍ଦୁଝର ଜିଲ୍ଲାର ଏକ ହଷ୍ଟେଲର ୨୦ ଜଣ ଛାତ୍ରୀ ହଷ୍ଟେଲ ଖାଦ୍ୟ ଖାଇବା ପରେ ହଠାତ ଅସୁସ୍ଥ ହୋଇପଡ଼ିଥିଲେ। ଏହି ଛାତ୍ରୀମାନେ ଏବେ କେନ୍ଦୁଝର ଜିଲ୍ଲା ମୁଖ୍ୟ ଚିକିତ୍ସାଳୟରେ ଚିକିତ୍ସିତ ହେଉଛନ୍ତି।

ମିଳିଥିବା ସୂଚନା ଅନୁଯାୟୀ, ଡିଡି କଲେଜ ନିକଟରେ ଥିବା ଅନ୍ୱେଷା ହଷ୍ଟେଲର ଅନ୍ତେବାସୀମାନେ ଶୁକ୍ରବାର ଖାଦ୍ୟ ଖାଇ ସ୍କୁଲକୁ ଯାଇଥିଲେ। ସ୍କୁଲରେ ପ୍ରାର୍ଥନା ସମୟରେ ସେମାନେ ଅସହଜ ଅନୁଭବ କରୁଥିବା ଅଭିଯୋଗ କରିଥିଲେ। ଏହାର କିଛି ମିନିଟ୍ ପରେ ସେମାନେ ବାନ୍ତି, ଡାଇରିଆ ଓ ମୁଣ୍ଡବିନ୍ଧାରେ ପୀଡ଼ିତ ହୋଇଥିଲେ। ସେମାନଙ୍କୁ ତୁରନ୍ତ ଜିଲ୍ଲା ଚିକିତ୍ସାଳୟରେ ଭର୍ତ୍ତି କରାଯାଇ ଚିକିତ୍ସା କରାଯାଉଛି।