ଭୁବନେଶ୍ୱର, ୦୬/୧୨: ଢେଙ୍କାନାଳ ଜିଲ୍ଲା ଓଡ଼ାପଡ଼ା ବ୍ଲକ ଅନ୍ତର୍ଗତ କମଳାଙ୍ଗ ଠାରେ ପ୍ରତିଷ୍ଠା ହୋଇଥିବା ଜିଏମ୍ଆର କମଳାଙ୍ଗ ଏନର୍ଜି ଲିମିଟେଡ (ଜିକେଇଲ) କୁ ବ୍ରିଟିଶ୍ ସେଫଟି କାଉନସିଲ (ବ୍ରିଟିଶ ନିରାପତ୍ତା ପରିଷଦ) ପକ୍ଷରୁ ସମ୍ମାନଜନକ ସୋଡ ଅଫ ଅନର ପ୍ରଦାନ କରାଯାଇଛି। ଲଣ୍ଡନର ଡ୍ରାପର୍ସ ହଲରେ ଅନୁଷ୍ଠିତ ଏକ ଭବ୍ୟ ସମାରୋହରେ ଗତ ନଭେମ୍ବର ୨୯ ତାରିଖ ଦିନ ଜିକେଇଲ ପ୍ଲାଣ୍ଟ ହେଡ ମନୋଜ ମିଶ୍ର ଓ ଏଜିଏମ ବାସୁଦେବ ସ୍ୱାଇଁ ଏହି ସମ୍ମାନ ଗ୍ରହଣ କରିଥିଲେ। କର୍ମଚାରୀଙ୍କ ସୁରକ୍ଷା ଓ ପ୍ରଦର୍ଶନ କ୍ଷେତ୍ରରେ ଉତ୍କର୍ଷ ପାଇଁ ଜିକେଇଲକୁ ଏହି ସମ୍ମାନଜନକ ପୁରସ୍କାର ପ୍ରଦାନ କରାଯାଇଛି।
ଆହୁରି ପଢ଼ନ୍ତୁ...
ଜିଏମ୍ଆର ଏନର୍ଜି ଲିମିଟେଡ଼ର ସିଇଓ ଆଶିଷ ବାସୁ ସମସ୍ତ କର୍ମଚାରୀଙ୍କୁ ଅଭିନନ୍ଦନ ଜଣାଇବା ସହ ସମସ୍ତ କର୍ମଚାରୀଙ୍କ ନିଷ୍ଠା ଓ ପ୍ରତିବଦ୍ଧତା ଟିମ୍ ୱାର୍କର ଏହା ପ୍ରତିଫଳନ ବୋଲି ସେ କହିଥିଲେ।
ବ୍ରିଟିଶ ନିରାପତ୍ତା ପରିଷଦ ପକ୍ଷରୁ ଏହି ପୁରସ୍କାର ପାଇବାରେ ଜେକେଇଲ ଓଡ଼ିଶାର ପ୍ରଥମ ଶିଳ୍ପ ସଂସ୍ଥା ଭାବେ ଗୌରବ ଅର୍ଜନ କରିଛି।