ବଢୁଛି ମେଦବହୁଳତା: ସୃଷ୍ଟି କରୁଛି ଗଭୀର ସମସ୍ୟା

ଆଜିର ତାରିଖ ୨୦୨୫ ମାର୍ଚ୍ଚ ୪

ବିଶ୍ୱ ମେଦବହୁଳତା ଦିବସ: ମେଦବହୁଳତାକୁ ଏକ ବିଶ୍ୱ ସ୍ୱାସ୍ଥ୍ୟ ସମସ୍ୟା ଭାବରେ ସଚେତନତା ସୃଷ୍ଟି କରିବା ଏବଂ ବିଶ୍ୱ ମେଦବହୁଳତା ସଙ୍କଟର ସମାଧାନ ପାଇଁ ବ୍ୟବହାରିକ ସମାଧାନକୁ ପ୍ରୋତ୍ସାହିତ କରିବା ପାଇଁ ଏହି ଦିବସ ପାଳନ କରାଯାଏ। ବିଶ୍ୱ ମେଦବହୁଳତା ଦିବସ ପ୍ରଥମେ ୨୦୧୫ ମସିହାରେ ଏକ ବାର୍ଷିକ ଅଭିଯାନ ଭାବରେ ଆରମ୍ଭ ହୋଇଥିଲା। ୨୦୨୦ ପୂର୍ବରୁ, ଏହି ଦିବସ ୧୧ ଅକ୍ଟୋବରରେ ପାଳନ କରାଯାଉଥିଲା, କିନ୍ତୁ ୨୦୨୦ ମସିହାରୁ ଏହାକୁ ୪ ମାର୍ଚ୍ଚରେ ପାଳନ କରିବାକୁ ନିଷ୍ପତ୍ତି ନିଆଯାଇଥିଲା। ଖାଦ୍ୟ ପେୟରେ ଅନିୟମିତତା ଏବଂ ଶାରୀରିକ ପରିଶ୍ରମର ଅଭାବ କାରଣରୁ ଏବେ ଶରୀରରେ ବିଭିନ୍ନ ସମସ୍ୟା ଦେଖାଦେଉଛି। ଏଥି ଯୋଗୁଁ ଆବାଳ ବୃଦ୍ଧ ବନିତାଙ୍କ ମଧ୍ୟରେ ମୋଟାପଣ ଦେଖାଦେଉଛି। ମେଦବହୁଳତା ବୃଦ୍ଧି ଯୋଗୁଁ ମଣିଷ କୌଣସି କାର୍ଯ୍ୟ କରିବାରେ ସମର୍ଥ ପ୍ରକାଶ କରେ ନାହିଁ। ତେଣୁ ମେଦବହୁଳତା କମାଇବା ପାଇଁ ନିୟମିତ ବ୍ୟାୟାମ କରିବା ସହିତ ଉତ୍ତମ ଖାଦ୍ୟାଭ୍ୟାସ କରିବା ଜରୁରୀ ଅଟେ।

 

ବିଶିଷ୍ଟ ବ୍ୟକ୍ତିଙ୍କ ଜନ୍ମ ଦିବସ:-

୧. ଫନିଶ୍ୱର ନାଥ ରେଣୁ (୪ ମାର୍ଚ୍ଚ ୧୯୨୧ – ୧୧ ଅପ୍ରେଲ ୧୯୭୭) ଆଧୁନିକ ହିନ୍ଦୀ ସାହିତ୍ୟର ଜଣେ ପ୍ରଭାବଶାଳୀ ଲେଖକ ଥିଲେ। ତାଙ୍କ ଦ୍ୱାରା ଲିଖିତ ‘ମୈଲା ଆଞ୍ଚଲ’ କୁ ନେଇ ୨୦୧୭ ରେ ଏକ ବଲିଉଡ ଫିଲ୍ମ ପଞ୍ଚଲୈତ ନିର୍ମାଣ କରାଯାଇଥିଲା। ତାଙ୍କୁ ଚତୁର୍ଥ ସର୍ବୋଚ୍ଚ ବେସାମରିକ ସମ୍ମାନ ପଦ୍ମଶ୍ରୀ ରେ ସମ୍ମାନିତ କରାଯାଇଥିଲା। ୧୯୭୭ମସିହାରେ ଜରୁରୀକାଳୀନ ପରିସ୍ଥିତିକୁ ବିରୋଧ କରି ସେ ପଦ୍ମଶ୍ରୀ ଫେରାଇ ଦେଇଥିଲେ।

୨. ଦୀନା ପାଠକ (୪ ମାର୍ଚ୍ଚ ୧୯୨୨ – ୧୧ ଅକ୍ଟୋବର ୨୦୦୨) ଜଣେ ଭାରତୀୟ ଅଭିନେତ୍ରୀ ଓ ନିର୍ଦ୍ଦେଶିକା ଥିଲେ। ସେ ଜଣେ ସମାଜ ସେବୀ ଏବଂ ନ୍ୟାସନାଲ ଫେଡେରେସନ ଅଫ ଇଣ୍ଡିଆନ ୱିମେନ(ଏନଏଫଆଇଡବ୍ଲୁ)ର ସଭାପତି ମଧ୍ୟ ଥିଲେ। ୬ ଦଶନ୍ଧିର କ୍ୟାରିୟରରେ ଦୀନା ପାଠକ ୧୨୦ରୁ ଅଧିକ ଫିଲ୍ମରେ ଅଭିନୟ କରିଥିଲେ। ୧୯୮୦ ମସିହାରେ ତାଙ୍କୁ ସଙ୍ଗୀତ ନାଟକ ଏକାଡେ଼ମୀ ପୁରସ୍କାର ମିଳିଥିଲା।

୩. ଚନ୍ଦ୍ରଶେଖର ୟେଲେଟି, ଜଣେ ଭାରତୀୟ କଥାଚିତ୍ର ନିର୍ଦ୍ଦେଶକ। ସେ ମୁଖ୍ୟତଃ ତେଲୁଗୁ ଚଳଚ୍ଚିତ୍ରରେ କାମ କରନ୍ତି। ସେ ତେଲୁଗୁରେ ଶ୍ରେଷ୍ଠ ଫିଚର ଫିଲ୍ମ ପାଇଁ ଜାତୀୟ ଚଳଚ୍ଚିତ୍ର ପୁରସ୍କାର ପାଇଥିଲେ।

୪. ରୋହନ ବୋପାନ୍ନା ଜଣେ ଭାରତୀୟ ପେସାଦାର ଟେନିସ୍ ଖେଳାଳି। ୨୦୦୭ରେ ତାଙ୍କର ସିଙ୍ଗଲ୍ସ କ୍ୟାରିୟରର ସର୍ବୋଚ୍ଚ ମାନ୍ୟତା ବିଶ୍ୱର ୨୧୩ ତମ ସ୍ଥାନରେ ଥିଲା ଏବଂ ୨୦୧୩ ଜୁଲାଇ ୨୨ରେ ଡବଲ୍ସରେ ତାଙ୍କ କ୍ୟାରିୟରର ସର୍ବୋଚ୍ଚ ମାନ୍ୟତା ବିଶ୍ୱର ୩ ନମ୍ବର ସ୍ଥାନରେ ଥିଲା। ସେ ୨୦୦୨ ମସିହାରୁ ଭାରତୀୟ ଡେଭିସ୍ କପ୍ ଦଳର ସଦସ୍ୟ ଅଛନ୍ତି। ସେ ୨୦୧୭ ଫ୍ରେଞ୍ଚ ଓପନ୍ ମିକ୍ସଡ ଡବଲ୍ସ ଟାଇଟଲ ଜିତିଥିଲେ।

 

ବିଶିଷ୍ଟ ବ୍ୟକ୍ତିଙ୍କ ତିରୋଧାନ ଦିବସ:-

୧. ଲାଲା ହର ଦୟାଲ ସିଂ ମାଥୁର (୧୪ ଅକ୍ଟୋବର ୧୮୮୪ – ୪ ମାର୍ଚ୍ଚ ୧୯୩୯) ଜଣେ ଭାରତୀୟ ସ୍ୱାଧୀନତା ସଂଗ୍ରାମୀ ଥିଲେ। ତାଙ୍କର ସରଳ ଜୀବନଶୈଳୀ ଏବଂ ବୌଦ୍ଧିକ ଜ୍ଞାନ କାନାଡା ଏବଂ ଆମେରିକାରେ ରହୁଥିବା ଅନେକ ପ୍ରବାସୀ ଭାରତୀୟଙ୍କୁ ପ୍ରଥମ ବିଶ୍ୱଯୁଦ୍ଧ ସମୟରେ ବ୍ରିଟିଶ ବିରୋଧରେ ଲଢ଼ିବାକୁ ପ୍ରେରଣା ଦେଇଥିଲା।

୨. ଅର୍ଜୁନ ସିଂ (୫ ନଭେମ୍ବର ୧୯୩୦ – ୪ ମାର୍ଚ୍ଚ ୨୦୧୧) ଜଣେ ଭାରତୀୟ ରାଜନୀତିଜ୍ଞ ଥିଲେ। ୧୯୮୦ ଦଶକରେ ସେ ମଧ୍ୟପ୍ରଦେଶର ମୁଖ୍ୟମନ୍ତ୍ରୀ ଭାବରେ ଦୁଇ ଥର କାର୍ଯ୍ୟ କରିଥିଲେ। ପରେ ଶ୍ରୀ ସିଂ ୨୦୦୪ରୁ ୨୦୦୯ ପର୍ଯ୍ୟନ୍ତ ମନମୋହନ ସିଂହ ଙ୍କ କ୍ୟାବିନେଟରେ କେନ୍ଦ୍ର ମାନବ ସମ୍ବଳ ବିକାଶ ମନ୍ତ୍ରୀ ହୋଇଥିଲେ।

୩. ପୂର୍ଣ୍ଣୋ ଅଗିତୋକ ସାଙ୍ଗମା (୧ ସେପ୍ଟେମ୍ବର ୧୯୪୭ – ୪ ମାର୍ଚ୍ଚ ୨୦୧୬), ଜଣେ ଭାରତୀୟ ରାଜନୀତିଜ୍ଞ। ସେ ୧୯୯୬ରୁ ୧୯୯୮ ପର୍ଯ୍ୟନ୍ତ ଲୋକସଭାର ବାଚସ୍ପତି ଏବଂ ୧୯୮୮ରୁ ୧୯୯୦ ପର୍ଯ୍ୟନ୍ତ ମେଘାଳୟର ମୁଖ୍ୟମନ୍ତ୍ରୀ ଭାବରେ କାର୍ଯ୍ୟ କରିଥିଲେ। ଶ୍ରୀ ସାଙ୍ଗମା ୨୦୧୨ ଭାରତୀୟ ରାଷ୍ଟ୍ରପତି ନିର୍ବାଚନରେ ବିଜେପି ସମର୍ଥିତ ପ୍ରାର୍ଥୀ ଥିଲେ, କିନ୍ତୁ ସେ କଂଗ୍ରେସ ନେତା ଶ୍ରୀ ପ୍ରଣବ ମୁଖାର୍ଜୀଙ୍କ ଠାରୁ ପରାଜିତ ହୋଇଥିଲେ।

 

ନଜର ପକାନ୍ତୁ ଆଜିର ଦିନରେ ଘଟିଥିବା ଗୁରୁତ୍ୱପୂର୍ଣ୍ଣ ଘଟଣା କ୍ରମ ଉପରେ:-

୧୬୯୯ – ଜର୍ମାନୀରୁ ଇହୁଦୀମାନଙ୍କୁ ବିତାଡିତ କରାଯାଇଥିଲା।

୧୮୦୧ – ଥୋମାସ ଜେଫରସନ ପ୍ରଥମ ଆମେରିକୀୟ ରାଷ୍ଟ୍ରପତି ହୋଇଥିଲେ।

୧୮୬୧ – ଆବ୍ରାହମ ଲିଙ୍କନ ଆମେରିକାର ୧୬ତମ ରାଷ୍ଟ୍ରପତି ଭାବରେ ନିଯୁକ୍ତ ହୋଇଥିଲେ।

୧୯୦୨ – ଆମେରିକୀୟ ଅଟୋମୋବାଇଲ ଆସୋସିଏସନ (ଏଏଏ) ଚିକାଗୋରେ ସ୍ଥାପିତ ହୋଇଥିଲା।

୧୯୫୧ – ୧୯୫୧ରେ ମାର୍ଚ୍ଚ ୪ରୁ ମାର୍ଚ୍ଚ ୧୧ ପର୍ଯ୍ୟନ୍ତ ପ୍ରଥମ ଏସୀୟ କ୍ରୀଡ଼ା ଅନୁଷ୍ଠିତ ହୋଇଥିଲା। ୧୧ଟି ଏସୀୟ ଜାତୀୟ ଅଲିମ୍ପିକ୍ସ କମିଟି (ଏନ୍ଓସି)କୁ ପ୍ରତିନିଧିତ୍ୱ କରୁଥିବା ମୋଟ ୪୮୯ ଜଣ ଆଥଲେଟ୍ ୮ଟି କ୍ରୀଡ଼ା ଓ ବିଭାଗର ୫୭ଟି ଇଭେଣ୍ଟରେ ଅଂଶଗ୍ରହଣ କରିଥିଲେ।

୧୯୬୧ – ପ୍ରଥମ ଭାରତୀୟ ବିମାନବାହୀ ଜାହାଜ ଆଇଏନଏସ୍ ବିକ୍ରାନ୍ତ କାର୍ଯ୍ୟକ୍ଷମ ହୋଇଥିଲା। ଦ୍ୱିତୀୟ ବିଶ୍ୱଯୁଦ୍ଧ ସମୟରେ ଏହି ଜାହାଜକୁ ବ୍ରିଟିଶ ରୟାଲ ନୌସେନା ପାଇଁ ଏଚଏମଏସ ହର୍କୁଲିସ ନାମରେ ରଖାଯାଇଥିଲା, କିନ୍ତୁ ଯୁଦ୍ଧ ଶେଷ ହେବା ପରେ ଏହାର ନିର୍ମାଣ କୁ ସ୍ଥଗିତ ରଖାଯାଇଥିଲା। ଭାରତ ୧୯୫୭ ରେ ଅସମ୍ପୂର୍ଣ୍ଣ ବିମାନ ସେବାକୁ କିଣିଥିଲା ଏବଂ ୧୯୬୧ ରେ ଏହାର ନିର୍ମାଣ କାର୍ଯ୍ୟ ଶେଷ ହୋଇଥିଲା। ବିକ୍ରାନ୍ତ ଭାରତୀୟ ନୌସେନାର ପ୍ରଥମ ବିମାନବାହୀ ଜାହାଜ ଭାବରେ ନିଯୁକ୍ତ ହୋଇଥିଲା ଏବଂ ୧୯୭୧ ମସିହା ଭାରତ-ପାକିସ୍ତାନ ଯୁଦ୍ଧ ସମୟରେ ପୂର୍ବ ପାକିସ୍ତାନର ନୌସେନା ଅବରୋଧକୁ କାର୍ଯ୍ୟକାରୀ କରିବାରେ ପ୍ରମୁଖ ଭୂମିକା ଗ୍ରହଣ କରିଥିଲା।

୧୯୪୩ – ଦକ୍ଷିଣ-ପଶ୍ଚିମ ପ୍ରଶାନ୍ତ ମହାସାଗରରେ ବିସମାର୍କ ସାଗର ଯୁଦ୍ଧ ଶେଷ ହୋଇଥିଲା।