ରାୟଗଡ଼ା, ୦୧/୦୪(ଦର୍ଶନ ନ୍ୟୁଜ): ରାୟଗଡ଼ା ସହରର କସ୍ତୁରୀ ନଗରସ୍ଥିତ ଏକ ଘରେ କେହି ନଥିବା ବେଳେ କଳା କନା ବୁଲାଇଲେ ଦୁର୍ବୃତ୍ତ। କସ୍ତୁରୀ ନଗର ପ୍ରଥମ ଲେନ୍ରେ ରହୁଥିବା ରାଜସ୍ୱ ନିରୀକ୍ଷକ କେଶବ ଚନ୍ଦ୍ର ସାହୁଙ୍କ ଘରେ ସୋମବାର ବିଳମ୍ବିତ ରାତିରେ ଚୋରି ହୋଇଥିବା ନେଇ ପୋଲିସରେ ଏତଲା ହୋଇଛି। କେଶବଙ୍କ ଘରୁ ୮ ଭରି ସୁନା, ୧୮ ଭରି ରୂପା ଏବଂ ୮୦୦ଟଙ୍କା ନଗଦ ଚୋରି ହୋଇଥିବା ଜଣାପଡ଼ିଛି।
ଆହୁରି ପଢ଼ନ୍ତୁ...
ଘଟଣାରୁ ପ୍ରକାଶ ଯେ, କେଶବ ତାଙ୍କ ପରିବାର ସହିତ ମାର୍ଚ୍ଚ ୨୭ ତାରିଖରେ ପୁରୀ ଯାଇଥିଲେ। ସୋମବାର ରାତି ୧ଟା ସମୟରେ ରାୟଗଡ଼ା ସ୍ଥିତ ଘରେ ପହଂଚି ଦେଖିବା ବେଳକୁ ଘରର ତାଲା ଭଙ୍ଗା ହୋଇ କବାଟ ଖୋଲା ରହିଥିବା ଦେଖିବାକୁ ପାଇଥିଲେ। ଏନେଇ ଟାଉନ ଥାନା ପୋଲିସକୁ ସୂଚନା ଦେଇଥିଲେ। ଏହାପରେ ପୋଲିସ କେଶବଙ୍କ ଘରେ ପହଂଚି ତଦନ୍ତ ଆରମ୍ଭ କରିଥିଲେ। ଏନେଇ ଟାଉନ ଥାନାରେ ମାମଲା ରୁଜୁ କରି ଘଟଣାର ତଦନ୍ତ ଚାଲିଥିବା ନେଇ ଆଇଆଇସି କେକେବିକେ କହଁର ସୂଚନା ଦେଇଛନ୍ତି।