ଆଜିର ତାରିଖ ୭ ଏପ୍ରିଲ ୨୦୨୫
*ବିଶ୍ୱ ସ୍ୱାସ୍ଥ୍ୟ ଦିବସ:- ବିଶ୍ୱ ସ୍ୱାସ୍ଥ୍ୟ ସଂଗଠନ (WHO)ର ସଦସ୍ୟ ଦେଶ ମାନଙ୍କ ମଧ୍ୟରେ ସ୍ୱାସ୍ଥ୍ୟ ସମ୍ବନ୍ଧୀୟ ସମସ୍ୟା ଉପରେ ପାରସ୍ପରିକ ସହଯୋଗ ପାଇଁ ଏକ ସଂଗଠନ। ବିଶ୍ୱ ସ୍ୱାସ୍ଥ୍ୟ ସଂଗଠନରେ ୧୯୩ଟି ସଦସ୍ୟ ରାଷ୍ଟ୍ର ଏବଂ ଦୁଇଟି ଅନୁବନ୍ଧିତ ସଦସ୍ୟ ଅଛନ୍ତି। ଏହି ସଂଗଠନ ୭ ଏପ୍ରିଲ ୧୯୪୮ରେ ପ୍ରତିଷ୍ଠିତ ହୋଇଥିଲା। ସେଥିପାଇଁ ପ୍ରତିବର୍ଷ ୭ ଏପ୍ରିଲକୁ ବିଶ୍ୱ ସ୍ୱାସ୍ଥ୍ୟ ଦିବସ ଭାବେ ପାଳନ କରାଯାଏ।
ବିଶିଷ୍ଟ ବ୍ୟକ୍ତିଙ୍କ ଜନ୍ମ ଦିବସ:-
୧. କାଶ୍ମୀର ଲାଲ ଜାକିର (୭ ଏପ୍ରିଲ ୧୯୧୯ – ୩୧ ଅଗଷ୍ଟ ୨୦୧୬), ଜଣେ ପ୍ରସିଦ୍ଧ ଉର୍ଦ୍ଦୁ କବି, ଔପନ୍ୟାସିକ ଏବଂ କ୍ଷୁଦ୍ରଗଳ୍ପ ଲେଖକ। ସେ ହରିୟାଣା ଉର୍ଦ୍ଦୁ ଏକାଡେମୀର ନିର୍ଦ୍ଦେଶକ ମଧ୍ୟ ଥିଲେ। କେବଳ ଭାରତରେ ନୁହେଁ ପାକିସ୍ତାନରେ ମଧ୍ୟ ତାଙ୍କର କୃତି ଲୋକପ୍ରିୟ ହୋଇଥିଲା।
୨. ରବିଶଙ୍କର (୭ ଏପ୍ରିଲ ୧୯୨୦ – ୧୧ ଡିସେମ୍ବର ୨୦୧୨), ବିଶ୍ୱରେ ଭାରତୀୟ ଶାସ୍ତ୍ରୀୟ ସଙ୍ଗୀତର ଶ୍ରେଷ୍ଠତାର ସର୍ବଶ୍ରେଷ୍ଠ ସଙ୍ଗୀତଜ୍ଞ। ସେ ସିତାର ବାଦକ ଭାବେ ଖ୍ୟାତି ଅର୍ଜନ କରିଥିଲେ। ରବିଶଙ୍କର ବିଦେଶରେ ବହୁତ ଖ୍ୟାତି ଅର୍ଜନ କରିଥିଲେ।
ବିଶିଷ୍ଟ ବ୍ୟକ୍ତିଙ୍କ ତିରୋଧାନ ଦିବସ:-
୧. ଜାନକୀ ବଲ୍ଲଭ ଶାସ୍ତ୍ରୀ (୫ ଫେବୃଆରୀ ୧୯୧୬ – ୭ ଅପ୍ରେଲ ୨୦୧୧), ଜଣେ ପ୍ରସିଦ୍ଧ କବି। ତାଙ୍କୁ ଉତ୍ତରପ୍ରଦେଶ ସରକାର ‘ଭାରତ ଭାରତୀ ପୁରସ୍କାର’ ପ୍ରଦାନ କରିଥିଲେ। ପ୍ରାରମ୍ଭରେ ସେ ସଂସ୍କୃତରେ କବିତା ଲେଖିଥିଲେ । ତା’ପରେ ମହାକବି ନିରାଲାଙ୍କ ପ୍ରେରଣାରେ ହିନ୍ଦୀରେ କବିତା ଲେଖିବା ଆରମ୍ଭ କରିଥିଲେ।
୨. ଭେଙ୍କଟରାମ ପଣ୍ଡିତ କୃଷ୍ଣମୂର୍ତ୍ତି (୨୬ ନଭେମ୍ବର ୧୯୨୩ – ୭ ଅପ୍ରେଲ ୨୦୧୪), ହିନ୍ଦୀ ଚଳଚ୍ଚିତ୍ରର ଜଣେ ପ୍ରସିଦ୍ଧ ସିନେମାଟୋଗ୍ରାଫର। ସେ ଦେଶର ସର୍ବୋଚ୍ଚ ସମ୍ମାନ ‘ଦାଦା ସାହେବ ଫାଲକେ ପୁରସ୍କାର’ (୨୦୦୮) ପାଇଁ ମନୋନୀତ ହୋଇଥିଲେ।
ନଜର ପକାନ୍ତୁ ଆଜିର ଦିନରେ ଘଟିଥିବା ଗୁରୁତ୍ୱପୂର୍ଣ୍ଣ ଘଟଣାକ୍ରମ ଉପରେ:-
୧୯୩୯ – ଦ୍ୱିତୀୟ ବିଶ୍ୱଯୁଦ୍ଧ ସମୟରେ ଇଟାଲୀ ଆଲବେନିଆକୁ ଦଖଲ କରିଥିଲା।
୧୯୪୬ – ସିରିଆ ଫ୍ରାନ୍ସଠାରୁ ସ୍ୱାଧୀନତା ଲାଭ କଲା।
୧୯୪୮ – ଜାତିସଂଘର ବିଶ୍ୱ ସ୍ୱାସ୍ଥ୍ୟ ସଂଗଠନ ପ୍ରତିଷ୍ଠା କରାଯାଇଥିଲା, ତେଣୁ ଏହି ଦିନକୁ “ବିଶ୍ୱ ସ୍ୱାସ୍ଥ୍ୟ ଦିବସ” ଭାବରେ ପାଳନ କରାଯାଏ।
୧୯୭୮ – ଆମେରିକା ରାଷ୍ଟ୍ରପତି ଜିମି କାର୍ଟର ବିବାଦୀୟ ନ୍ୟୁଟ୍ରୋନ ବୋମାର ବିକାଶ ଏବଂ ଉତ୍ପାଦନ ଉପରେ ପ୍ରତିବନ୍ଧକ ଲଗାଇଥିଲେ।
୧୯୮୮ – ଆମେରିକା ନେଭାଡା ଟେଷ୍ଟ ସେଣ୍ଟରରେ ପରମାଣୁ ପରୀକ୍ଷଣ କରିଥିଲା।
୧୯୯୪ – ରୱାଣ୍ଡାର ରାଷ୍ଟ୍ରପତି ଜୁଭେନାଲ ହେଭିଆରିମାନା ଏବଂ ବୁରୁଣ୍ଡି ରାଷ୍ଟ୍ରପତି ସାଇପ୍ରିଆନ ନ୍ତାୟମିତା କିଗାଲି ବିମାନବନ୍ଦରରେ ରକେଟ୍ ଆକ୍ରମଣରେ ପ୍ରାଣ ହରାଇଥିଲେ।
୨୦୦୦ – ବିଶ୍ୱର ସବୁଠାରୁ କ୍ଷୁଦ୍ର ଖବରକାଗଜ ‘ୟୋର ଅନର’ ବ୍ରାଜିଲରୁ ପ୍ରକାଶ ପାଇଥିଲା।
୨୦୦୩ – ଆମେରିକା ସେନା ଇରାକର ରାଜଧାନୀ ବାଗଦାଦକୁ ନିଜ ନିୟନ୍ତ୍ରଣକୁ ନେଇଥିଲା।