ଆଜିର ତାରିଖ ୨୩ ମଇ ୨୦୨୫
ବିଶିଷ୍ଟ ବ୍ୟକ୍ତିଙ୍କ ଜନ୍ମ ଦିବସ:
୧. ପ୍ରାଣ ନାଥ ଥାପର (୨୩ ମଇ ୧୯୦୬ – ୨୩ ଜୁନ ୧୯୭୫), ଭାରତୀୟ ସେନାର ଚତୁର୍ଥ ସେନାମୁଖ୍ୟ। ସେ ଦ୍ବିତୀୟ ବିଶ୍ୱଯୁଦ୍ଧ ଓ ଚୀନ-ଭାରତ ଯୁଦ୍ଧରେ ଭାଗ ନେଇଥିଲେ।
୨. ରାଘବେନ୍ଦ୍ର ରାଓ, ଜଣେ ଭାରତୀୟ ଚଳଚ୍ଚିତ୍ର ନିର୍ଦ୍ଦେଶକ, ପ୍ରଯୋଜକ, ଚିତ୍ରନାଟ୍ୟ ଲେଖକ ଏବଂ କୋରିଓଗ୍ରାଫର। ମୁଖ୍ୟତଃ ତେଲୁଗୁ ସିନେମା ଏବଂ କିଛି ହିନ୍ଦୀ ଓ କନ୍ନଡ ଚଳଚ୍ଚିତ୍ରରେ ତାଙ୍କର କାର୍ଯ୍ୟ ପାଇଁ ଜଣାଶୁଣା।
୩. ବିନୋଦ ରାୟ ଜଣେ ପୂର୍ବତନ ଆଇଏଏସ୍ ଅଫିସର ଯିଏ କି ଭାରତର ୧୧ତମ ନିୟନ୍ତ୍ରକ ଓ ଅଡିଟର ଜେନେରାଲ ଭାବରେ କାର୍ଯ୍ୟ କରିଥିଲେ। ସେ ଜାତିସଂଘର ବୈଦେଶିକ ଅଡିଟର ପ୍ୟାନେଲର ବର୍ତ୍ତମାନର ଅଧ୍ୟକ୍ଷ ଏବଂ ରେଳବାଇର ପରାମର୍ଶଦାତା ଏବଂ ରେଲୱେ କାୟା କଳ୍ପ ପରିଷଦ ସଦସ୍ୟ ଅଟନ୍ତି।
୪. କୋମଟିରେଡ୍ଡୀ ଭେଙ୍କଟ ରେଡ୍ଡୀ ୨୦୧୯ ରୁ ତେଲେଙ୍ଗାନାର ଭୋଙ୍ଗିର ଲୋକସଭା ନିର୍ବାଚନ ମଣ୍ଡଳୀର ସାଂସଦ ଅଟନ୍ତି। ସେ ତେଲେଙ୍ଗାନା କଂଗ୍ରେସ ବିଧାୟକ ଦଳର ଉପନେତା ଏବଂ ନାଲଗୋଣ୍ଡା ବିଧାନସଭା ନିର୍ବାଚନ ମଣ୍ଡଳୀର ପୂର୍ବତନ ବିଧାୟକ ଥିଲେ।
ବିଶିଷ୍ଟ ବ୍ୟକ୍ତିଙ୍କ ତିରୋଧାନ ଦିବସ:-
୧. ରାଖଲଦାସ ବନ୍ଦୋପାଧ୍ୟାୟ (୧୨ ଅପ୍ରେଲ ୧୮୮୫ – ୨୩ ମଇ ୧୯୩୦), ଜଣେ ବିଶିଷ୍ଟ ପ୍ରତ୍ନତତ୍ତ୍ୱବିତ୍ ଓ ଇତିହାସବିତ। ସେ ଭାରତୀୟ ପ୍ରତ୍ନତତ୍ତ୍ୱବିତଙ୍କ ଦଳ ମଧ୍ୟରୁ ଅନ୍ୟତମ ଥିଲେ, ଯେଉଁମାନଙ୍କ ମଧ୍ୟରୁ ଅଧିକାଂଶ ବିଂଶ ଶତାବ୍ଦୀର ପ୍ରଥମ ପର୍ଯ୍ୟାୟରେ ଭାରତୀୟ ପ୍ରତ୍ନତତ୍ତ୍ୱ ସର୍ବେକ୍ଷଣର ତତ୍କାଳୀନ ମହାନିର୍ଦ୍ଦେଶକଙ୍କ ସହଯୋଗୀ ଭାବରେ ଯଥେଷ୍ଟ ଖ୍ୟାତି ଅର୍ଜନ କରିଥିଲେ ।
୨. ଭାର୍ଗବୀ ପ୍ରଭଞ୍ଜନ ରାଓ (୧୪ ଅଗଷ୍ଟ ୧୯୪୪ – ୨୩ ମଇ ୨୦୦୮), ତେଲୁଗୁ ସାହିତ୍ୟର ଜଣେ ବିଶିଷ୍ଟ ଅନୁବାଦକ । ସେ ପିଏସ୍ ତେଲୁଗୁ ବିଶ୍ୱବିଦ୍ୟାଳୟ ପୁରସ୍କାର (୧୯୯୯), ସାହିତ୍ୟ ସାହିଥି ପୁରସ୍କାର (୨୦୦୦) ଏବଂ ଗୃହଲକ୍ଷ୍ମୀ ପୁରସ୍କାର (୨୦୦୧) ଭଳି ଅନେକ ପୁରସ୍କାର ପାଇଥିଲେ।
ନଜର ପକାନ୍ତୁ ଆଜିର ଦିନରେ ଘଟିଥିବା ଗୁରୁତ୍ୱପୂର୍ଣ୍ଣ ଘଟଣାକ୍ରମ ଉପରେ:-
୧୪୨୦ – ଇହୁଦୀମାନଙ୍କୁ ଅଷ୍ଟ୍ରିଆ ଓ ସିରିଆରୁ ବହିଷ୍କାର କରାଗଲା।
୧୫୯୨ – ଜିଓର୍ଡାନୋ ବ୍ରୁନୋଙ୍କୁ ଭିଏନାରେ ଗିରଫ କରାଯାଇଥିଲା କାରଣ ସେ ବିଶ୍ୱାସ କରୁଥିଲେ ଯେ ପୃଥିବୀ ସୂର୍ଯ୍ୟ ଚାରିପଟେ ବୁଲୁଛି, ସୂର୍ଯ୍ୟ ପୃଥିବୀ ଚାରିପଟେ ବୁଲୁନାହିଁ। ତାଙ୍କର ବିଶ୍ୱାସ ଏକ ଧର୍ମ ବିରୋଧୀ କାର୍ଯ୍ୟ ବୋଲି ବିବେଚନା କରାଯାଉଥିଲା।
୧୭୮୮ – ଦକ୍ଷିଣ କାରୋଲିନାକୁ ଆମେରିକାର ସମ୍ବିଧାନରେ ଅଷ୍ଟମ ରାଜ୍ୟ ଭାବରେ ଅନ୍ତର୍ଭୁକ୍ତ କରାଯାଇଥିଲା।
୧୮୦୫ – ଗଭର୍ଣ୍ଣର ଜେନେରାଲ ଲର୍ଡ ୱେଲେଡେଲି ଦିଲ୍ଲୀର ମୋଗଲ ସମ୍ରାଟଙ୍କ ପାଇଁ ଏକ ସ୍ଥାୟୀ ବ୍ୟବସ୍ଥା କରିଥିଲେ।୧୯୧୫ – ପ୍ରଥମ ବିଶ୍ୱଯୁଦ୍ଧ ସମୟରେ ଇଟାଲୀ ଅଷ୍ଟ୍ରିଆ, ହଙ୍ଗେରୀ ଓ ଜର୍ମାନୀ ବିରୁଦ୍ଧରେ ଯୁଦ୍ଧ ଘୋଷଣା କରିଥିଲା।
୧୯୩୯ – ୧୯୪୯ ସୁଦ୍ଧା ବ୍ରିଟିଶ ସଂସଦରେ ପାଲେଷ୍ଟାଇନକୁ ମୁକ୍ତ କରିବା ପାଇଁ ଯୋଜନା କରାଯାଇଥିଲା।
୧୯୮୪ – ବଚେନ୍ଦ୍ରୀ ପାଲ ୧୯୮୪ ମସିହାରେ ବିଶ୍ୱର ସର୍ବୋଚ୍ଚ ଶିଖର ଏଭରେଷ୍ଟ ଜିତିବାରେ ପ୍ରଥମ ଭାରତୀୟ ମହିଳା ହୋଇଥିଲେ।
୨୦୦୪ – ବାଂଲାଦେଶରେ ଝଡ଼ ଯୋଗୁଁ ମେଘନା ନଦୀରେ ଡଙ୍ଗା ବୁଡ଼ି ୨୫୦ ଜଣଙ୍କ ମୃତ୍ୟୁ ହୋଇଥିଲା। ସିଙ୍ଗାପୁରରେ ଜାହାଜ ଭୁଶୁଡ଼ି ୪୦ କାର୍ ବୁଡ଼ିଯାଇଥିଲା।
୨୦୦୮ – ଭାରତ ଭୂପୃଷ୍ଠରୁ ଭୂପୃଷ୍ଠକୁ କ୍ଷେପଣାସ୍ତ୍ର ପୃଥ୍ୱୀ-୨ର ସଫଳ ପରୀକ୍ଷଣ କରିଥିଲା।
୨୦୧୪ – ସିରିଆରେ ଯୁଦ୍ଧ ଅପରାଧ ପାଇଁ ଅନ୍ତର୍ଜାତୀୟ ଅପରାଧ ଅଦାଲତ ପ୍ରତିଷ୍ଠା କରିବା ପାଇଁ ଋଷ ଓ ଚୀନ ମିଳିତ ଜାତିସଂଘ ସୁରକ୍ଷା ପରିଷଦରେ ଭିଟୋ କ୍ଷମତା ପ୍ରୟୋଗ କରିଥିଲେ।
୨୦୧୬ – ଭାରତୀୟ ମହାକାଶ ଗବେଷଣା ପ୍ରତିଷ୍ଠାନ (ଇସ୍ରୋ) ଆନ୍ଧ୍ରପ୍ରଦେଶର ଶ୍ରୀହରିକୋଟା ମହାକାଶ କେନ୍ଦ୍ରରୁ ସମ୍ପୂର୍ଣ୍ଣ ଭାବେ ଭାରତରେ ନିର୍ମିତ ମହାକାଶ ଶଟଲ ଆରଏଲଭି-ଟିଡି ଉତକ୍ଷେପଣ କରିଥିଲା।