ସୁନାବେଶ ପାଇଁ ପ୍ରବଳ ଭିଡ଼: ସତର୍କ ସୂଚନା ଜାରି କଲା ଓଡ଼ିଶା ପୋଲିସ

ପୁରୀ, ୦୬/୦୭: ଆଜି ମହାପ୍ରଭୁ ଜଗନ୍ନାଥଙ୍କ ସୁନାବେଶରେ ପ୍ରବଳ ଭିଡ଼ ହେବାରୁ ସମ୍ଭାବନା ରହିଛି। ଗତ‌କାଲି ରାତିରୁ ପୁରୀରେ ଭକ୍ତଙ୍କ ସମାଗମ ହେବାରେ ଲାଗିଛି। ତେଣୁ ଭିଡ଼କୁ ନିୟନ୍ତ୍ରଣ କରିବା ପାଇଁ ଓଡ଼ିଶା ପୋଲିସ ପକ୍ଷରୁ ଟ୍ରାଫିକ୍ ସତର୍କତା ଜାରି କରାଯାଇଛି। ଭକ୍ତମାନଙ୍କୁ ସେହି ଅନୁସାରେ ପୁରୀକୁ ଯିବା ପାଇଁ ଯୋଜନା କରିବାକୁ ପରାମର୍ଶ ଦିଆଯାଇଛି।

ସହରରେ ପାର୍କିଂ ସ୍ଥାନଗୁଡ଼ିକ ପ୍ରାୟ ପୂର୍ଣ୍ଣ ହୋଇଗଲାଣି, ଯାନବାହାନଗୁଡ଼ିକୁ ତାଳବଣିଆ ଏବଂ ଷ୍ଟର୍ଲିଂରେ ପାର୍କିଂ କରାଯାଉଛି। ପ୍ରବଳ ଭିଡ଼ ଯୋଗୁଁ ମାଳତୀପାଟପୁରରେ ଅପେକ୍ଷା ସମୟ ଏକ ଘଣ୍ଟାରୁ ଅଧିକ ହୋଇପାରେ। ବାଟଗାଁ ଏବଂ ମାଳତୀପାଟପୁରରେ ଭକ୍ତମାନଙ୍କୁ ଅଧିକ ସମୟ ଅପେକ୍ଷା କରିବାକୁ ପରାମର୍ଶ ଦିଆଯାଇଛି।