ଭୁବନେଶ୍ଵର, ୨/୨/୧୦: ଆଜି ଭୁବନେଶ୍ୱରର ସାତଟି ସ୍ଥାନରେ ବିଜୟା ଦଶମୀ ଅବସରରେ ପାରମ୍ପରିକ ରାବଣ ପୋଡ଼ି ଉତ୍ସବ ଅନୁଷ୍ଠିତ ହେବ।
ଟ୍ୱିନ୍ ସିଟି କମିଶନରେଟ୍ ପୋଲିସର ସୂଚନା ଅନୁଯାୟୀ, ନହରକଣ୍ଟା, ବାରମୁଣ୍ଡା, କୋରଡକଣ୍ଟା ଏବଂ ବାଙ୍କୁଆଳ, ଗୋପାଳପୁର, KIIT ରୋଡ୍ ଏବଂ କପିଳାପ୍ରସାଦ ଫୁଟବଲ୍ ଗ୍ରାଉଣ୍ଡରେ ରାବଣ ପୋଡି ହେବ।
ଆହୁରି ପଢ଼ନ୍ତୁ...
ଚଳିତ ବର୍ଷ, ଭୁବନେଶ୍ୱରରେ ୧୯୩ଟି ପୂଜା ମଣ୍ଡପ ଆୟୋଜନ କରାଯାଉଛି। ଶାନ୍ତି ଶୃଙ୍ଖଳା ବଜାୟ ରଖିବା ପାଇଁ, କମିଶନରେଟ୍ ପୋଲିସ ପକ୍ଷରୁ ସୁରକ୍ଷା ବ୍ୟବସ୍ଥା କଡ଼ାକଡ଼ି କରାଯାଇଛି।
ତଦାରଖ ପାଇଁ ତିନି ଜଣ ଡିସିପି, ଛଅ ଜଣ ଅତିରିକ୍ତ ଡିସିପି, ୧୨ ଜଣ ଡିଏସପି, ୩୩ ଜଣ ଇନ୍ସପେକ୍ଟର ଏବଂ ୧୭୨ ଜଣ ଏସଆଇ/ଏଏସଆଇଙ୍କୁ ନିୟୋଜିତ କରାଯାଇଛି। ଏହା ବ୍ୟତୀତ, ୩୮ ପ୍ଲାଟୁନ୍ ପୋଲିସ କର୍ମଚାରୀ ଏବଂ ୨୦ ପ୍ଲାଟୁନ୍ ହୋମଗାର୍ଡ ଡ୍ୟୁଟିରେ ଅଛନ୍ତି।