ନୂଆଦିଲ୍ଲୀ, ୨୯/୦୧: କେନ୍ଦ୍ରୀୟ ବଜେଟ ପୂର୍ବରୁ ଅର୍ଥନୈତିକ ସର୍ଭେ ୨୦୨୬ ରିପୋର୍ଟ ସଂସଦରେ ଉପସ୍ଥାପିତ କଲେ ଅର୍ଥମନ୍ତ୍ରୀ ନିର୍ମଳା। ବିଶ୍ୱସ୍ତରୀୟ ଚ୍ୟାଲେଞ୍ଜ ସତ୍ତ୍ୱେ ଭାରତର ଅଭିବୃଦ୍ଧି ଟ୍ରାକରେ ରହିଛି ବୋଲି ରିପୋର୍ଟରେ ଦର୍ଶାଯାଇଛି। ବିଶ୍ୱସ୍ତରୀୟ ଆର୍ଥିକ ମାନ୍ଦାବସ୍ଥା, ଭୂରାଜନୈତିକ ଉତ୍ତେଜନା ଏବଂ ମୁଦ୍ରାସ୍ଫୀତି ଚାପ ସତ୍ତ୍ୱେ, ଭାରତର ଅର୍ଥନୀତି ଏକ ଦୃଢ଼ ଗତିରେ ଅଗ୍ରଗତି କରୁଛି ଭାରତ।
ଅର୍ଥମନ୍ତ୍ରୀ ନିର୍ମଳା ସୀତାରମଣ ଲୋକସଭାରେ ୨୦୨୬/୨୭ ଆର୍ଥିକ ବର୍ଷ ପାଇଁ ଅର୍ଥନୈତିକ ସର୍ଭେ ଉପସ୍ଥାପନ କରିଛନ୍ତି। ଅର୍ଥନୈତିକ ବିଭାଗ ଦ୍ୱାରା ପ୍ରସ୍ତୁତ ସର୍ଭେ ରିପୋର୍ଟ ଅନୁଯାୟୀ, ଆଗାମୀ ଆର୍ଥିକ ବର୍ଷରେ ଭାରତର ଅର୍ଥନୈତିକ ଅଭିବୃଦ୍ଧି ହାର ୬.୮ ରୁ ୭.୨ ପ୍ରତିଶତ ମଧ୍ୟରେ ରହିବ ବୋଲି ଆଶା କରାଯାଉଛି। ଏହି ଆକଳନ ଚଳିତ ଆର୍ଥିକ ବର୍ଷର ୭.୪ ପ୍ରତିଶତ ଅଭିବୃଦ୍ଧି ହାର ତୁଳନାରେ ସାମାନ୍ୟ କମ୍, କିନ୍ତୁ ବିଶ୍ୱ ପରିସ୍ଥିତିକୁ ଦୃଷ୍ଟିରେ ରଖି ଏହାକୁ ଏକ ଦୃଢ଼ ପ୍ରଦର୍ଶନ ବୋଲି ବିବେଚନା କରାଯାଉଛି।
ଅର୍ଥନୈତିକ ସର୍ଭେରେ କୁହାଯାଇଛି ଯେ ଭାରତ ଗତ ବର୍ଷ ମଧ୍ୟରେ ଦୃଢ଼ ଅଭିବୃଦ୍ଧି ଗତି ବଜାୟ ରଖିଛି। ଘରୋଇ ଚାହିଦା, ବୃଦ୍ଧି ପାଉଥିବା ଭିତ୍ତିଭୂମି ନିବେଶ ଏବଂ ଏକ ଦୃଢ଼ ସେବା କ୍ଷେତ୍ର ଭାରତୀୟ ଅର୍ଥନୀତିର ପ୍ରମୁଖ ସ୍ତମ୍ଭ ଭାବରେ ରହିଛି। ଆସନ୍ତା ଫେବୃଆରୀ ୧ରେ ବଜେଟ ଉପସ୍ଥାପିତ ହେବ।