ତେହେରାନ, ୨୦/୦୩: ସର୍ବସମ୍ମୁଖରେ ଚାମ୍ପିଅନଙ୍କୁ ଫାଶୀ। ଇରାନର କୋମରେ ଜଣେ ୧୯ ବର୍ଷୀୟ ଚାମ୍ପିଅନ୍ କୁସ୍ତିଯୋଦ୍ଧା ଏବଂ ଅନ୍ୟ ଦୁଇ ପ୍ରତିବାଦକାରୀଙ୍କୁ ସାର୍ବଜନୀନ ଫାଶୀରେ ଫାଶୀ ଦିଆଯାଇଛି। ଯାହା ସରକାରଙ୍କ କଠୋର କାର୍ଯ୍ୟାନୁଷ୍ଠାନ ପ୍ରତିଫଳିତ କରୁଛି ବୋଲି କୁହାଯାଉଛି। ଏ ସଂକ୍ରାନ୍ତୀୟ ଖବର ରିପୋର୍ଟ କରିଛି ଇରାନର ଗଣମାଧ୍ୟମ।
ଗୁରୁବାର ଦିନ ସଇଦ ଦାଭୋଦି ଏବଂ ମେହେଦି ଘସେମିଙ୍କ ସହିତ ଜଣେ ଉଦୀୟମାନ କୁସ୍ତିଯୋଦ୍ଧା ସାଲେହ ମହମ୍ମଦୀଙ୍କୁ ଫାଶୀ ଦିଆଯାଇଥିଲା। ଏହି ତିନି ଜଣ ୨୦୨୬ ଜାନୁଆରୀ ୮ ରେ ପ୍ରତିବାଦ ସମୟରେ ଦୁଇ ପୋଲିସ କର୍ମଚାରୀଙ୍କ ହତ୍ୟା ଘଟଣାରେ ସମ୍ପୃକ୍ତ ଥିବା ଅଭିଯୋଗ କରାଯାଇଥିଲା।
ରାଷ୍ଟ୍ରାୟତ୍ତ ଗଣମାଧ୍ୟମ ରିପୋର୍ଟ କରିଛି ଯେ କୋମ୍ରେ କିଛି ଲୋକଙ୍କ ଉପସ୍ଥିତିରେ ଏହି ମୃତ୍ୟୁଦଣ୍ଡ ଦିଆଯାଇଥିଲା। ଡିସେମ୍ବର ୨୦୨୫ ଶେଷ ଭାଗରେ ଆରମ୍ଭ ହୋଇଥିବା ଏବଂ ଜାନୁଆରୀ ୨୦୨୬ ପର୍ଯ୍ୟନ୍ତ ଜାରି ରହିଥିବା ଦେଶବ୍ୟାପୀ ଅଶାନ୍ତି ସହିତ ଜଡିତ ଏହି ତିନି ଜଣ ହେଉଛନ୍ତି ପ୍ରଥମ ଜଣାଶୁଣା ପ୍ରତିବାଦକାରୀ ଯାହାକୁ ଫାଶୀ ଦିଆଯାଇଥିଲା।
ଇରାନ ମାନବାଧିକାର (IHRNGO) ଏ ନେଇ ଗମ୍ଭୀର ଚିନ୍ତା ପ୍ରକାଶ କରିଛି ଏବଂ ଚେତାବନୀ ଦେଇଛି ଯେ ଏହା ପରେ ଆହୁରି ମୃତ୍ୟୁଦଣ୍ଡ ବଢ଼ିପାରେ।
ମାନବାଧିକାର ଗୋଷ୍ଠୀଗୁଡ଼ିକ କହିଛନ୍ତି ଯେ ମହମ୍ମଦୀଙ୍କୁ ନିର୍ଯାତନା ଦେଇ “ଭଗବାନଙ୍କ ବିରୁଦ୍ଧରେ ଯୁଦ୍ଧ କରିବା” ଭଳି ଆରୋପ ଲଗାଇ ସେମାନଙ୍କୁ ଅଭିଯୋଗକୁ ସ୍ୱୀକାର କରିବାକୁ ବାଧ୍ୟ କରାଯାଇଥିଲା। ଯାହା ପରେ ତାଙ୍କୁ ମୃତ୍ୟୁଦଣ୍ଡ ଦିଆଯାଇଥିଲା।
ଜଣେ ଇରାନୀ ଯୁଦ୍ଧ ଖେଳାଳି ଏବଂ ମାନବାଧିକାର କର୍ମୀ ନିମା ଫାର୍ ଏହି ମୃତ୍ୟୁଦଣ୍ଡକୁ “ଏକ ସ୍ପଷ୍ଟ ରାଜନୈତିକ ହତ୍ୟା” ବୋଲି କହିଛନ୍ତି। ଇସଲାମିକ୍ ଗଣରାଜ୍ୟର ଭିନ୍ନମତକୁ ଦମନ କରିବା ଏବଂ ସମାଜକୁ ଭୟଭୀତ କରିବା ପାଇଁ ଖେଳାଳିମାନଙ୍କୁ ଟାର୍ଗେଟ କରିବାର ଧାରା ସୃଷ୍ଟି କରିବା ବୋଲି କହିଛନ୍ତି।