ପୁରୀ, ୨୫/୦୩: ରତ୍ନଭଣ୍ଡାର ଗଣତି ମଣତିର ପ୍ରଥମ ଦିନର କାର୍ଯ୍ୟ ସରିଲା। ପ୍ରଥମ ଦିନରେ ଚଳନ୍ତି ଭଣ୍ଡାରର ପ୍ରାୟ ୮୦% ଗଣତି ଶେଷ ହୋଇଛି। ମହାପ୍ରଭୁଙ୍କ ଦୈନନ୍ଦିନ ବ୍ୟବହୃତ ସୁବର୍ଣ୍ଣର ଗଣତି ମଣତିର ଥ୍ରୀଡି ମ୍ୟାପିଂ ସହ ତାଲିକା ପ୍ରସ୍ତୁତି କରାଗଲା। ପ୍ରଥମ ଦିନରେ ପ୍ରାୟ ୬ ଘଣ୍ଟାରୁ ଊର୍ଦ୍ଧ୍ବ ସମୟ ଧରି ଚାଲିଲା ଗଣତି ମଣତି।
ପ୍ରଥମ ଦିନର କାର୍ଯ୍ୟ ସରିବା ପରେ ମୁଖ୍ୟ ପ୍ରଶାସକ ଅରବିନ୍ଦ ପାଢୀ ସୂଚନା ଦେଇ କହିଛନ୍ତି, ପ୍ରଥମ ଦିନରେ ଚଳନ୍ତି ଭଣ୍ଡାରର ପ୍ରାୟ ଗଣତି ଶେଷ ହୋଇଛି। ମହାପ୍ରଭୁଙ୍କ ଶ୍ରୀଅଙ୍ଗରେ ଯାହା ଲାଗି ହୋଇଛି ଗଣତି ହୋଇନି। ମହାପ୍ରଭୁଙ୍କ ରାହୁ, ରେଖା, ଚିତା ଆଦି ଗଣତି ହୋଇନି। ମହାପ୍ରଭୁଙ୍କ ଦୈନନ୍ଦିନ ବ୍ୟବହୃତ ସୁବର୍ଣ୍ଣର ଗଣତି ମଣତି ସରିଛି। ଫଟୋଗ୍ରାଫି, ଭିଡିଓ ରେକର୍ଡିଂ, ଥ୍ରିଡି ମ୍ୟାପିଂ କରାଯାଇଛି। ମାତ୍ର କଣ ଗଣତି ହେଲା ତାହା ପ୍ରକାଶ ନ କରିବାକୁ SOPରେ ରହିଛି। ଗଣତିରେ ସାମିଲ ସମସ୍ତଙ୍କୁ ପ୍ରକାଶ ନ କରିବାକୁ ଅନୁରୋଧ ରହିଛି। ଓଜନ ମାପ ଓ ୧୯୭୮ର ତାଲିକା ସହ ମେଳକ କରାଯାଇଛି। ପ୍ରାୟ ୬ ଘଣ୍ଟାରୁ ଊର୍ଦ୍ଧ୍ବ ସମୟ ଧରି ଚାଲିଲା ଗଣତି ମଣତି। ପରବର୍ତ୍ତୀ କେଉଁ ଦିନ ଗଣତି ମଣତି ହେବ ଜଣାଇ ଦିଆଯିବ। ଏହାପରେ କ୍ୟାଟେଗୋରୀ-୨ରେ ବାହାର ରତ୍ନଭଣ୍ଡାର ଗଣତିମଣତି ହେବ।