ଭୁବନେଶ୍ୱର, ୦୧/୧୦: ସୁବର୍ଣ୍ଣପୁର ଜିଲ୍ଲାର ନୂଆ ଜିଲ୍ଲାପାଳ ଭାବେ ଆଇଏଏସ୍ ଅଧିକାରୀ ଦେବାଶିଷ ସିଂହଙ୍କୁ ନିଯୁକ୍ତି ଦିଆଯାଇଛି। ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କ ନିର୍ଦ୍ଦେଶକ୍ରମେ ଏହି ନିଯୁକ୍ତି ହୋଇଛି। ବର୍ତ୍ତମାନ ଦେବାଶିଷ ସିଂହ ସାଧାରଣ ପ୍ରଶାସନ ଓ ଜନଅଭିଯୋଗ ବିଭାଗରେ ଅତିରିକ୍ତ ସଚିବ ଭାବେ କାର୍ଯ୍ୟରତ ଅଛନ୍ତି।
ଆହୁରି ପଢ଼ନ୍ତୁ...
ସୁବର୍ଣ୍ଣପୁର ଜିଲ୍ଲା ପ୍ରଶାସନର ମୁଖ୍ୟ ଭାବେ ଦେବାଶିଷ ସିଂହ ଜିଲ୍ଲାର ପ୍ରଶାସନିକ କାର୍ଯ୍ୟ ସହ ରାଜସ୍ୱ ପ୍ରଶାସନ, ଆଇନଶୃଙ୍ଖଳା, ବିଭିନ୍ନ ସରକାରୀ ଯୋଜନାର କାର୍ଯ୍ୟାନ୍ୱୟନ ଓ ଜନସାଧାରଣଙ୍କ ଅଭିଯୋଗର ସମାଧାନ ଭଳି କ୍ଷେତ୍ରରେ ଦାୟିତ୍ୱ ତୁଲାଇବେ।
ସୂଚନା ଅନୁସାରେ, ଦେବାଶିଷ ସିଂହ ୨୦୧୫ ବ୍ୟାଚ୍ର ଓଡ଼ିଶା କ୍ୟାଡର୍ ଆଇଏଏସ୍ ଅଧିକାରୀ। ସେ ସୁବର୍ଣ୍ଣପୁର ଜିଲ୍ଲାପାଳ ଭାବେ ନୃପରାଜ ସାହୁଙ୍କ ସ୍ଥାନରେ ଦାୟିତ୍ୱ ତୁଲାଇବେ। ନୃପରାଜ ସାହୁ ଅଗଷ୍ଟ ୩୧ରେ ସରକାରୀ ସେବାରୁ ଅବସର ନେଇଥିଲେ।