ବାଇକ ଆରୋହୀଙ୍କ ମୁଣ୍ଡ ଉପରେ ଚଢ଼ିଗଲା ଦ୍ରୁତଗାମୀ ଟ୍ରକ୍‌

ଜୟପୁର: ଆଜି ପୂର୍ବାହ୍ନ ପ୍ରାୟ ସାଢ଼େ ୧୧ଟା ବେଳେ ୩୨୬ ନମ୍ବର ଜାତୀୟ ରାଜପଥ ଜୟପୁର ବିମାନବନ୍ଦର ଛକରେ ଏକ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି। ତସୁ ବୋଝେଇ ଟ୍ରକ୍ ନଂ ଓଆର ୧୦ସି-୫୮୬୩ ଜଣେ ବାଇକ୍ ଆରୋହୀଙ୍କୁ ପଛପଟୁ ଧକ୍କା ଦେଇଥିଲା। ବାଇକ ଚାଳକଙ୍କ ମୁଣ୍ଡ ଉପରେ ଟ୍ରକର ଚକ ଚଢ଼ିଯିବା ଫଳରେ ଘଟଣାସ୍ଥଳରେ ବାଇକ୍ ଆରୋହୀଙ୍କର ମୃତ୍ୟୁ ହୋଇଥିଲା। ମୃତକ ହେଲେ ଆମ୍ବାଗୁଡ଼ା ନିକଟ ବିଜେ-ଦୁଇ ଗାଁର ନିର୍ମଳକାନ୍ତ ଦେ(୫୮)। ତାଙ୍କ ମୃତ ଖବର ଶୁଣି ତାଙ୍କ ସଂପର୍କୀୟ ଓ ପରିବାରବର୍ଗ ଆଦି ଘଟଣାସ୍ଥଳରେ ପହଚିଂଥିଲେ। ତେବେ ସେଠାରେ ମରଶରୀର ନଥିବା ଦେଖି ଉତ୍ୟକ୍ତ ହୋଇ ପ୍ରାୟ ଦେଢ଼ ଘଣ୍ଟା କାଳ ରାସ୍ତାରୋକ କରିଥିଲେ।