ଜୀବନ ବଞ୍ଚାଇବାକୁ ଉଦ୍ୟମ କରୁଥିବା ମହିଳାଙ୍କୁ ଜଣେ ଯୁବକ ଆଜି ଅପରାହ୍ଣରେ ଗୋଡେଇ ଗୋଡେଇ ପନିକିରେ ହାଣିଛି। ବୌଦ୍ଧ ଜିଲ୍ଲା ବାଉଶୁଣି ଥାନା ଅନ୍ତର୍ଗତ ପଲସପାଟ ଗାଁରେ ଏହି ଅଭାବନୀୟ ଘଟଣା ଘଟିଛି। ମୃତ ମହିଳା ହେଲେ ସୂର୍ଯ୍ୟକାନ୍ତି ପ୍ରଧାନ (୩୫)।
ଆହୁରି ପଢ଼ନ୍ତୁ...
ସୂଚନା ଅନୁସାରେ ଶୁକ୍ରବାର ଅପରାହ୍ନରେ ପଲସପାଟ ଗ୍ରାମର ଖମାରୀପଡ଼ାରେ ଚାରିଶମ୍ଭୁ ଦଣ୍ଡ ଯାତ୍ରା ଆୟୋଜନ କରାଯାଇଥିଲା। ସଂଧ୍ୟା ପ୍ରାୟ ସାଢ଼େ ପାଞ୍ଚଟା ବେଳେ ଜଣେ ବ୍ୟକ୍ତି ଗ୍ରାମର ସୂର୍ଯ୍ୟକାନ୍ତି ପ୍ରଧାନ ଘରେ ଥିଲେ। ଏହି ସମୟରେ ଜଣେ ଯୁବକ ତାଙ୍କୁ ଅତର୍କିତ ଭାବେ ଆକ୍ରମଣ କରିଥିଲା। ଜୀବନ ବଞ୍ଚାଇବାକୁ ସୂର୍ଯ୍ୟକାନ୍ତି ଅନ୍ୟ ଘରକୁ ଦୌଡି ପଳାଇଥିଲେ। କିନ୍ତୁ ଅଭିଯୁକ୍ତଙ୍କ ଠାରୁ ବର୍ତ୍ତି ପାରି ନଥିଲେ। କାରଣ ଅଭିଯୁକ୍ତ ଜଣକ ସୂର୍ଯ୍ୟକାନ୍ତିଙ୍କୁ ଗୋଡ଼େଇ ଗୋଡ଼େଇ ପନିକିରେ ଆକ୍ରମଣ କରିଥିଲା। ଆକ୍ରମଣରେ ତାଙ୍କର ମୃତ୍ୟୁ ହୋଇଛି।