ବସ ପଛପଟୁ ପିଟିଲା ବାଇକ ଆରୋହୀ, ବାଇକ ଆରୋହୀ ମୃତ

ପାଳଲହଡା : ଅନଗୁଳ ଜିଲ୍ଲା ପାଳଲହଡା ଥାନା ଅନ୍ତର୍ଗତ ୪୯ ନଂ ଜାତୀୟ ରାଜପଥ ସମିଆପାଲି ଛକ ନିକଟରେ ଏକ ବସ ଛିଡା ହୋଇଥିବା ବେଳେ ବାଇକ ଆରୋହୀ ପଛପଟୁ ଧକା ଦେଇଥିଲା ଘଟଣା ସ୍ଥଳରୁ ବାଇକ ଆରୋହୀକୁ ଉଦ୍ଧାର କରି ପାଳଲହଡା ମେଡିକାଲ ରେ ଭର୍ତି କରାଯାଇଥିଲା ମେଡିକାଲ ରେ ଡାକ୍ତର ମୁତ ଘୋଷଣା କରିଥିଲେ ।

ସୂଚନା ଅନୁଯାୟୀ ବାଇକ ଆରୋହୀ ଜଣଙ୍କ ସିଗଡ଼ ଗ୍ରାମର ଶରତ ପ୍ରଧାନ (୬୫) । ସେ ଜଣେ ପାଳଲହଡା ନିର୍ବାଚନ ମଣ୍ଡଳୀ ବିଜୁ ଜନତା ଦଳର ଜଣେ ସଚ୍ଚୋଟ, ମେଳାପି,ଦରଦୀ ତଥା ବରିଷ୍ଠ କର୍ମକର୍ତ୍ତା ଭାବେ ବେଶ ଜଣାଶୁଣା ଥିଲେ । ଆଜି ୮ ଟା ସମୟରେ ସିଗଡ଼ ଛକ ନିକଟରେ ଚା ପିଇ ସାରି ବିଧାୟକଙ୍କ ଘରକୁ ଯାଉଥିବା ସମୟରେ ବାଇକଟି ଭାରସାମ୍ୟ ହରାଇ ବସ ପଛପଟେ ବାଡେଇ ହୋଇ ଯାଇଥିଲେ । ଶରତ ପ୍ରଧାନଙ୍କ ମୁଣ୍ଡରେ ଆଘାତ ଲାଗିଥିଲା । ତାଙ୍କୁ ସଙ୍ଗେ ସଙ୍ଗେ ମେଡିକାଲ ଅଣାଯାଇଥିଲା ଏବଂ ଡାକ୍ତର ମୃତ ଘୋଷଣା କରିଥିଲା, ଯାହା ପାଳଲହଡା ଅଂଚଳ ରେ ଶୋକ ର ଛାୟା ଖେଳିଯାଇଛି ।