ଓଡ଼ିଶା ଅଗ୍ନିଶମ ବିଭାଗର ନିର୍ଦ୍ଦେଶକ ଭାବେ ଦାୟିତ୍ବ ଗ୍ରହଣ କଲେ ସୁଧାଂଶୁ ଷଡ଼ଙ୍ଗୀ

କଟକ: ଓଡ଼ିଶା ଅଗ୍ନିଶମ ବିଭାଗର ୫୪ତମ ନିର୍ଦ୍ଦେଶକ ଭାବେ ଆଇପିଏସ୍ ଅଧିକାରୀ ସୁଧାଂଶୁ ଷଡ଼ଙ୍ଗୀ ଆଜି ଦାୟିତ୍ୱ ଗ୍ରହଣ କରିଛନ୍ତି। ୧୯୯୦ ବ୍ୟାଚ୍ ର ଏହି ଆଇପିଏସ୍ ଅଫିସରଙ୍କୁ କିଛି ଦିନ ତଳେ ରାଜ୍ୟ ସରକାର ଡିଜି ପଦରେ ପଦୋନ୍ନତି ଦେଇଥିଲେ ଏବଂ ଗତ ସପ୍ତାହରେ ତାଙ୍କୁ ଓଡ଼ିଶା ଅଗ୍ନିଶମ ସେବା ବିଭାଗର ନିର୍ଦ୍ଦେଶକ ଭାବେ ଅବସ୍ଥାପିତ କରାଯାଇଥିଲା।

ଡାକ୍ତର ସୁଧାଂଶୁ ଷଡ଼ଙ୍ଗୀ ଅତୀତରେ ପୁଲିସ କମିଶନର ଭାବେ ଦକ୍ଷତାର ସହ କାର୍ଯ୍ୟ କରିଛନ୍ତି। ଆଜି ସକାଳ ପ୍ରାୟ ୮ଟାରେ ସେ କଟକ ଅଗ୍ନିଶମ ବିଭାଗର ମୁଖ୍ୟ କାର୍ଯ୍ୟାଳୟକୁ ଆସି କାର୍ଯ୍ୟକାରୀ ନିର୍ଦ୍ଦେଶକ ବିନୋତୋଷ ମିଶ୍ରଙ୍କ ଠାରୁ ଦାୟିତ୍ୱ ଗ୍ରହଣ କରିଥିଲେ।