ଘାଟିରୁ ଖସିଲା ଟ୍ରକ; ଡ୍ରାଇଭର ମୃତ

ମୟୂରଭଞ୍ଜ: ଶନିବାର ସକାଳେ ବାଙ୍ଗିରିପୋଷିର ଦୁଆରସୁନି ଘାଟିରୁ ଏକ ଟ୍ରକ ଖସି ଡ୍ରାଇଭରଙ୍କ ମୃତ୍ୟୁ ଘଟିଥିବା ବେଳେ ହେଲପର୍ ଜଣକ ଗୁରୁତର ଭାବେ ଆହତ ହୋଇଛନ୍ତି । ସୂଚନାନୁସାରେ, ଟ୍ରକଟି କୋଲକାତାରୁ କେନ୍ଦୁଝର ଅଭିମୁଖେ ଯାଉଥିବା ସମୟରେ ଏହି ଅଘଟଣ ଘଟିଛି । ମୃତକ ଜଣକ ହେଲେ ମେଦିନୀପୁରର ଶାମସୁଦ୍ଦିନ ଖାଁ ଏବଂ ଆହତ ହେଲପର ଜଣକ ହେଉଛନ୍ତି ବଙ୍କିମ ହେମ୍ବ୍ରମ । ଦୁର୍ଘଟଣା ପରେ ପୋଲିସ ଓ ଅଗ୍ନିଶମ ବାହିନୀ ଘଟଣାସ୍ଥଳରେ ପହଂଚି ଉଭୟଙ୍କୁ ଉଦ୍ଧାର କରି ବାଙ୍ଗିରିପୋଷି ଡାକ୍ତରଖାନାରେ ଭର୍ତି କରିଥିଲେ ମଧ୍ୟ ଶାମସୁଦ୍ଦିନଙ୍କୁ ଡାକ୍ତର ମୃତ ଘୋଷଣା କରିଛନ୍ତି ।