ସେପ୍ଟେମ୍ବର ୫ରେ ହେବ ୭ଟି ବିଧାନସଭା ଉପନିର୍ବାଚନ

ନୂଆଦିଲ୍ଲୀ: ଆସନ୍ତା ସେପ୍ଟେମ୍ବର ୫ ତାରିଖରେ ହେବ ୭ଟି ବିଧାନସଭା ଉପନିର୍ବାଚନ । ୫ଟି ରାଜ୍ୟର ୭ଟି ବିଧାନସଭା ନିର୍ବାଚନ ମଣ୍ଡଳୀରେ ଉପନିର୍ବାଚନ ହେବ । ଏ ନେଇ ନିର୍ବାଚନ ଆୟୋଗ ଘୋଷଣା କରିଛନ୍ତି । ଏହି ଆସନ ଗୁଡିକ ମଧ୍ୟରେ ଝାଡଖଣ୍ଡର ଡୁମରୀ, କେରଳର ପୁଥୁପଲ୍ଲୀ, ତ୍ରିପୁରାର ଧନପୁର ସମେତ ଦୁଇଟି ଆସନ, ପଶ୍ଚିମବଙ୍ଗର ଧୂପଗୁଡି ଏବଂ ଉତରପ୍ରଦେଶର ଘୋସି ଓ ବାଗେଶ୍ୱର ରହିଛି । ନିର୍ବାଚନ ଆୟୋଗଙ୍କ କାର୍ଯ୍ୟସୂଚୀ ଅନୁଯାୟୀ ଉପନିର୍ବାଚନ ପାଇଁ ଅଗଷ୍ଟ ୧୦ରୁ ଅଗଷ୍ଟ ୧୭ ତାରିଖ ପର୍ଯ୍ୟନ୍ତ ନାମାଙ୍କନ ପତ୍ର ଦାଖଲ କରାଯିବ । ସେପ୍ଟେମ୍ବର ୮ ତାରିଖରେ ଭୋଟ୍ ଗଣତି ହେବ ।