ଛାତ୍ରୀଙ୍କୁ କଲେଜ ଅଧ୍ୟକ୍ଷଙ୍କ ଅସଦାଚରଣ

ନୟାଗଡ: ଛାତ୍ରୀଙ୍କୁ ଅସଦାଚରଣ କରିଛନ୍ତି କଲେଜ ଅଧ୍ୟକ୍ଷ। ଆଉ ଏହି ଘଟଣାର ବିରୋଧ କଲେ ପରୀକ୍ଷାରେ ମାର୍କ କାଟିଦେବାର ଭୟ। ଏଭଳିଏକ ଘଟଣା ଘଟିଛି ନୟାଗଡ଼ ଜିଲ୍ଲାର ଇଟାମାଟି ଥାନା ଅନ୍ତର୍ଗତ ନୟାଗଡ଼ କେନ୍ଦୁଧିପିସ୍ଥିତ ନବ ଚୌଧୁରୀ ମହାବିଦ୍ୟାଳୟରେ। ଏ ନେଇ କଲେଜ ଅଧ୍ୟକ୍ଷଙ୍କୁ ଗିରଫ କରାଯାଇଛି। ଅଭିଯୁକ୍ତ ପ୍ରଧାନ ଶିକ୍ଷକଙ୍କ ନାମ ପ୍ରଦୀପ୍ତ ହାତୀ ବୋଲି ଜଣାପଡ଼ିଛି।

ମିଳିଥିବା ସୂଚନା ଅନୁଯାୟୀ, ନବ ଚୌଧୁରୀ ମହାବିଦ୍ୟାଳୟରେ +୨ ବିଜ୍ଞାନ ବିଭାଗର ଦୁଇ ଜଣ ଛାତ୍ରୀ ଅଧ୍ୟକ୍ଷଙ୍କ ପାଖକୁ ଯାଇ କିଛି ସମସ୍ୟା ସମ୍ପର୍କରେ ଅବଗତ କରାଇବା ସହ କଲେଜରେ ନିୟମିତ ପାଠପଢ଼ା ହେଉନଥିବା ସେମାନେ ଅଭିଯୋଗ କରିଥିଲେ। କିନ୍ତୁ ପ୍ରଧାନ ଶିକ୍ଷକ ସେମାନଙ୍କ ସମସ୍ୟା ପ୍ରତି ଧ୍ୟାନ ନଦେଇ ପ୍ରଥମେ ଛାତ୍ରୀମାନେ ତାଙ୍କ ସମସ୍ୟା ବୁଝିବା ଦରକାର ଏବଂ ତା’ପରେ ହିଁ ସେ ସେମାନଙ୍କ ସମସ୍ୟା ଶୁଣିବେ ବୋଲି ଛାତ୍ରୀମାନେ ଅଭିଯୋଗ କରିଛନ୍ତି। ଏହା ସହ ତାଙ୍କୁ ପ୍ରଧାନ ଶିକ୍ଷକ ଧମକ ଦେଇଥିଲେ ଯେ ଯଦି ସେମାନେ ଘଟଣା ବିଷୟରେ ଅନ୍ୟମାନଙ୍କୁ ଜଣାଇବେ, ତେବେ ସେ ପରୀକ୍ଷାରେ ସେମାନଙ୍କ ମାର୍କ କାଟିଦେବେ। ଏ ସଂକ୍ରାନ୍ତରେ ଛାତ୍ରୀମାନେ ଇଟାମାଟି ଥାନାରେ ଲିଖିତ ଅଭିଯୋଗ କରିବା ସହ ଜିଲ୍ଲା କଲ୍ୟାଣ ଅଧିକାରୀଙ୍କ ପାଖରେ ମଧ୍ୟ ଅଭିଯୋଗ କରିଛନ୍ତି। ପୁଲିସ ଘଟଣାସ୍ଥଳରେ ପହଞ୍ଚି ଅଭିଯୁକ୍ତ କଲେଜ ଅଧ୍ୟକ୍ଷଙ୍କୁ ଗିରଫ କରିଛି। ଅଭିଯୁକ୍ତ ପ୍ରଧାନ ଶିକ୍ଷକ ଓ ଦୁଇ ଅଭିଯୋଗକାରୀ ଛାତ୍ରୀଙ୍କ ଡାକ୍ତରୀ ମାଇନା କରାଯାଇଛି। ଗିରଫ ପରେ ପ୍ରଧାନ ଶିକ୍ଷକଙ୍କୁ କୋର୍ଟ ଚାଲାଣ କରାଯାଇଛି।