ବିଭିନ୍ନ ହୋଟେଲରେ ବିଏମସିର ଚଢାଉ

ଭୁବନେଶ୍ୱର: ଆଜି ଭୁବନେଶ୍ୱରର କ୍ୟାପିଟାଲ ହସ୍ପିଟାଲ ନିକଟରେ କୋଇଲା ଚୁଲା ବ୍ୟବହାର କରିବା ଏବଂ ନିମ୍ନ ମାନର ଖାଦ୍ୟ ରୋଷେଇ ହେଉଥିବା ଅଭିଯୋଗରେ ବିଏମସି ପକ୍ଷରୁ ବିଭିନ୍ନ ହୋଟେଲରେ ଚଢାଉ କରାଯାଇଛି । କ୍ୟାପିଟାଲ ହସ୍ପିଟାଲ ପରିସରରେ ଥିବା ହୋଟେଲରେ ବିଏମସିର ଏନଫୋର୍ସମେଂଟ ଟିମ୍ ସହ ଫୁଡ୍ ସେଫ୍ଟି ଟିମର ମିଳିତ ଚଢାଉ କରାଯାଇଛି । କୋଇଲା ଚୁଲାରେ ରୋଷେଇ କରିବା ଦ୍ୱାରା ଧୂଳିଆ ପରିବେଶ ସୃଷ୍ଟି ହେଉଥିବାରୁ କୋଇଲା ଚୁଲା ଭାଙ୍ଗି ଦିଆଯିବା ସହ ବାସି ଖାଦ୍ୟ ଗ୍ରାହକଙ୍କୁ ଦେବା, ଖାଦ୍ୟରେ ରଙ୍ଗ ନନ୍ ଲେବଲ୍ ବେକରୀ ସାମଗ୍ରୀ ଜବତ କରାଯାଇ ସମସ୍ତ ଖାଦ୍ୟକୁ ମଧ୍ୟ ନଷ୍ଟ କରି ଦିଆଯାଇଛି । ସେହିପରି ଗତ କିଛି ଦିନ ପୂର୍ବରୁ ମଂଚେଶ୍ୱର, ଭିଏସଏସ ନଗରରେ ବିଭିନ୍ନ ହୋଟେଲରେ ଚଢାଉ କରାଯାଇଥିଲା ।