ମାଓବାଦୀଙ୍କ ଗୁଳିରେ ଓଡ଼ିଆ ସିଆରପିଏଫ୍ ଯବାନ ସହିଦ

କେନ୍ଦୁଝର: ଝାଡଖଣ୍ଡର ପଶ୍ଚିମ ସିଂହଭୂମ ଜିଲ୍ଲାର ଓଠ ଗୋଏଲକେରା ବ୍ଲକର ତେଣ୍ଟୋ ଥାନା ଅନ୍ତର୍ଗତ କୋଲହାନ ଜଙ୍ଗଲରେ କମ୍ବିଂ ଅପରେସନରେ ନିୟୋଜିତ କେନ୍ଦ୍ରୀୟ ରିଜର୍ଭ ପୁଲିସ ଫୋର୍ସ (ସିଆରପିଏଫ୍) ଯବାନଙ୍କ ଉପରକୁ ମାଓବାଦୀମାନେ ଗୁଳି ଚଳାଇବାରୁ ସିଆରପିଏଫର ୬୦ ବାଟାଲିୟନର ଜଣେ ଓଡିଆ ଯବାନ ସହିଦ ହୋଇଛନ୍ତି।

ଯବାନ ଜଣକ ହେଲେ କେନ୍ଦୁଝର ଜିଲ୍ଲା ଆନନ୍ଦପୁର ବିଜ୍ଞାପିତ ଅଞ୍ଚଳ ପରିଷଦର ୪ ନମ୍ବର ୱାର୍ଡ ନନ୍ଦି ସାହିର ବାସିନ୍ଦା ସୁଶାନ୍ତ ଖୁଣ୍ଟିଆ। ମାଓବାଦୀଙ୍କ ସହ ଗୁଳି ବିନିମୟରେ ସୁଶାନ୍ତଙ୍କ ମୃତ୍ୟୁ ଖବର ପ୍ରସାରିତ ହେବା ପରେ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଛି।