ସ୍କୁଲ ଉପରେ ପଡିଲା ବଜ୍ରପାତ

କେନ୍ଦ୍ରାପଡ଼ା: ଆଜି ଅପରାହ୍ନରେ ବର୍ଷା ଓ ଘଡଘଡି ହେବା ସମୟରେ ଏକ ଅଭାବନୀୟ ଘଟଣା ସାମ୍ନାକୁ ଆସିଛି। କେନ୍ଦ୍ରାପଡ଼ା ଜିଲ୍ଲା ଗରଦପୁର ବ୍ଲକ କୁଡାନଗରୀ ହାଇସ୍କୁଲ ଘର ଉପରେ ବଜ୍ରପାତ ପଡିବାରୁ ୧୬ ଜଣ ସ୍କୁଲ ଛାତ୍ରଛାତ୍ରୀ ଆହତ ହୋଇଛନ୍ତି। ଆହତ ଛାତ୍ରଛାତ୍ରୀଙ୍କୁ ପାଟକୁରା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଛି। ଜଣେ ଛାତ୍ରଙ୍କ ଅବସ୍ଥା ସଙ୍କଟାପନ୍ନ ଥିବା ଜଣାପଡ଼ିଛି।

ମିଳିଥିବା ସୂଚନା ଅନୁଯାୟୀ, କୁଦାନଗରୀ ହାଇସ୍କୁଲ ପରିସରରେ ଏକ ଅସ୍ଥାୟୀ ବ୍ୟବସ୍ଥା ଭାବେ ଆଦର୍ଶ ବିଦ୍ୟାଳୟ ଚାଲିଥିଲା।